ރާއްޖެ

އުދަރެސް 16 ވަނަ ޓަވަރުގެ މާސްޓަރ ބެޑްރޫމުގެ ފާޚާނާތެރެއަށް ފެންފައިބަމުން ދަނީ، މަތީ ފާޚާނާގެ ޑްރައިނޭޖްގެ ތެރެއަށް ދަގަނޑެއް ނުވަތަ އެނޫންވެސް އެއްޗެއް ކޮއްޕައި ހޮޅި ފަޅާލުމުން ކަމުގައި ވަނީ ފާހަގަކުރެވިފައެވެ.

ރައްޔިތުންގެ ޚިޔާލު ހޯދުމުގެ ޢާންމު ވޯޓުގައި، ވޯޓުދިނުމުގެ ޙައްޤު ލިބިގެންވާ މީހުންގެ ރަޖިސްޓަރީ އަދި ވޯޓުލާ މަރުކަޒުގެ ގޮތުގައި ބޭނުންކުރާނީ ލޯކަލް ކައުންސިލްތަކުގެ އިންތިޚާބާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ އިންތިޚާބު 2026 ގެ ވޯޓު ދިނުމުގެ ޙައްޤު ލިބިގެންވާ މީހުންގެ ރަޖިސްޓަރީއާއި ވޯޓުލާ މަރުކަޒުތައް ކަމުގައިވެސް އިލެކްޝަންސް ކޮމިޝަނުން ވަނީ ވިދާޅުވެފައެވެ.

އެހެން ކަމުން، މި އަހަރުގެ ބަރަކާތްތެރި ރަމަޟާން މަހަކީ ޤައުމަށް ހެޔޮ ބަދަލެއް ގެނައުމަށްޓަކައި، އަމިއްލަ ނަފްސު އެ ބަދަލާ އެއްގޮތަށް، ދީނީ، ޤައުމީ އިންތަކުގެ މަތީގައި ތަރުބިއްޔަތުކުރާ މައްސަރަކަށް ހެއްދެވުމަށް އެދިވަޑައިގަންނަވާ ކަމަށެވެ.

ރަމަޟާން މަހުގެ ހަނދު ސާބިތު ކުރުމަށް ބޭއްވި ރަސްމީ ޖަލްސާގައި ހަނދާއި ބެހޭ ބަޔާން އިއްވަވައި ދެއްވީ، މިނިސްޓްރީ އޮފް އިސްލާމިކް އެފެއާޒްގެ ސްޓޭޓް މިނިސްޓަރ ސްޓޭޓް މިނިސްޓަރ އަލްއުސްތާޛު ޢަބްދުﷲ ސަޢުދާންއެވެ.

ރައީސުލްޖުމްހޫރިއްޔާ މިގޮތަށް ނިންމެވީ، އެފްލެޓްތަކުގައި ދިރިއުޅޭ ފަރާތްތަކާއި ބައްދަލުކުރައްވައި، އެފަރާތްތަކުގެ ކަންބޮޑުވުންތައް އަޑު އެއްސެވުމަށްފަހުގައި ކަމަށް ރައީސުލްޖުމްހޫރިއްޔާގެ އޮފީހުން ވިދާޅުވެފައި ވެއެވެ.

ރައީސުލްޖުމްހޫރިއްޔާގެ އޮފީހުން ހާމަކުރައްވާފައިވާ ގޮތުގައި، ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒުގެ މިދަތުރުފުޅަކީ، ބަންގްލަދޭޝްގެ އިންޓަރިމް ސަރުކާރުގެ ޗީފް އެޑްވައިޒަރު، ހިޒް އެކްސެލެންސީ ޑޮކްޓަރ މުޙައްމަދު ޔޫނުސްގެ ދަޢުވަތަކަށް ކުރައްވާ ދަތުރުފުޅެކެވެ.

ފުލުހުންގެ އިދާރާއިން ވިދާޅުވީ، އުމުރުން 27 އަހަރުގެ ޢަލީ އަފްލަޙް ހައްޔަރުކޮށްފައިވަނީ 2026 ފެބްރުއަރީ 11 ވަނަ ދުވަހު ކޯޓު އަމުރެއްގެ ދަށުން ކަމަށެވެ. އަދި. އޭނާގެ ބަންދާމެދު ގޮތެއް ނިންމުމަށް ކޯޓަށް ހާޒިރު ކުރުމުން 30 ދުވަހަށް ބަންދުގައި ބެހެއްޓުމަށް ކޯޓުން އަމުރުދީފައި ވާކަމުގައިވެސް ފުލުހުންގެ އިދާރާއިން ވިދާޅުވިއެވެ.

ރައީސުލްޖުމްހޫރިއްޔާގެ އޮފީހުން ވިދާޅުވީ، ރިޔާސީ އިންތިޚާބާއި ރައްޔިތުންގެ މަޖިލީހުގެ އިންތިޚާބު އެކުގައި ބޭއްވުމަށާއި، ރައްޔިތުންގެ މަޖިލީހުގެ އުމުރު ގުނުމުގެ އުސޫލު ބަޔާންކުރުމަށްޓަކައި، 2026 ފެބުރުވަރީ މަހުގެ 10 ވަނަ ދުވަހު ބޭއްވެވި ރައްޔިތުންގެ މަޖިލީހުގެ 2026 ވަނަ އަހަރުގެ ފުރަތަމަ ދައުރުގެ 2 ވަނަ ޖަލްސާއިން ފާސްކުރައްވައިފައިވާ "ދިވެހިރާއްޖޭގެ ޖުމްހޫރިއްޔާގެ ޤާނޫނުއަސާސީއަށް 8 ވަނަ އިޞްލާޙު ގެނައުމުގެ ބިލު" ތަޞްދީޤުކުރެއްވުމުގެ ކުރިން، ރައްޔިތުންގެ ޚިޔާލު ހޯދުމުގެ ޢާންމު ވޯޓެއް ނެންގެވުމަށް ނިންމަވައި ރައީސުލްޖުމްހޫރިއްޔާ މިއަދު ޤަރާރެއް ނެރުއްވާފައިވާ ކަމަށެވެ.

މޫސުމާއި ބެހޭ ޤައުމީ އިދާރާއިން ވިދާޅުވީ، ރާއްޖެއަށް ވައިނު ސާފުވުމުގެ މައްސަލަ މިހާރު ބޮޑުވެފައި ވަނީ އިރު އުތުރުން ވައިޖެހޭތީކަމަށެވެ. ދުންފުހުގެ އަސަރު ބޮޑުވުމުގެ ސަބަބުން އުތުރާއި މެދުރާއްޖެތެރޭގެ ސަރަހައްދުތަކަށް ދުރުިފެންނަ ނިސްބަތް 3 ކިލޯމީޓަރަށް ދަށްވެފައިވާ ކަމުގައިވެސް އެއިދާރާއިން ހާމަކުރައްވައެވެ.

ޑީޖޭއޭއިން ވިދާޅުވީ، ރަމަޟާން މަހުގެ ހަނދު ދުށްމީހަކު ނުވަތަ ބަޔަކު، ހެކިބަސް އަދާކުރުމަށް ހަމަޖެހިފައި ވަނީ، މާލޭގައި ނަމަ މާލޭގެ ކޯޓެއްގެ ޤާޟީއެއްގެ ކުރިފުޅު މަތީގައި ކަމަށެވެ. އަދި އަތޮޅު ތެރޭގެ ރަށެއްގައި ނަމަ ހެކިބަސް އަދާކުރަން ޖެހޭނީ އެރަށެއްގެ މެޖިސްޓްރޭޓް ކޯޓުގެ މެޖިސްޓްރޭޓްގެ ކުރިމަތީފުޅު މަތީގައި ނުވަތަ މެޖިސްޓްރޭޓެއް ނެތް ރަށެއްގައި ނަމަ އެރަށެއްގެ ކައުންސިލް އިދާރާ ހިންގެވުމާއި ހަވާލުވެ ހުންނެވި އެންމެ އިސްވެރިއެއްގެ ކުރިފުޅު މަތީގައެވެ.

ފުލުހުންގެ އިދާރާއިން ވިދާޅުވީ، ރޭ އައްޑޫ ސިޓީ ހިތަދޫ ޑޭޒީމަގާއި އެޅެދީދީ މަގުގުޅުނު ކަންމަތިން ދެ ސައިކަލު ޖެހި އެކްސިޑެންޓް ހިނގާފައި ވަނީ، ރޭގެ 21:40 ހާއިރުގައި ކަމަށެވެ. އެހާދިސާގައި ދެ ސައިކަލުގައި ތިބި 4 މީހުންނަށް އަނިޔާވިއެވެ.

ފުލުހުންގެ އިދާރާއިން ވިދާޅުވީ، އޭނާ ހައްޔަރުކޮށްފައި ވަނީ، ހުސްވި އަހަރުގެ ޑިސެމްބަރ 29 ވަނަ ދުވަހު ފެމިލީ އެންޑް ޗައިލްޑް ޕްރޮޓެކްޝަނާއި ކްރައިމް އިންޓެލިޖެންސް ގުޅިގެން ހިންގި އޮޕަރޭޝަނެއްގައި ކަމަށެވެ. އެހެން ނަމަވެސް އޭނާ ހައްޔަރުކުރިކަމާއި އޭނާ ގެ ވަނަވަރު ފުލުހުން ހާމަކުރީ މިއަދުއެވެ.

މީގެ އިތުރުން ބޯޓުފަހަރަށް މުދާއަރުވާ ބޭލުމުގައި ޑަބަލްކޮށް މަޑު ނުކުރުމާއި ބޯޓުފަހަރަށް އަރުވާ ބާލާ މުދާ މަގުމަތީގައި ނުބެހެއްޓުމާއި މަގުމަތީގައި ޕެލެޓް ނުބެހެއްޓުމާއި، ރައްކާތެރި ދުވެލީގެ މިންގަޑާއި ޚިލާފަށް ނުދުއްވުމާއި، ގަވާއިދާއި ޚިލާފަށް ޕާކްކުރުން ފަދަ ކަންތައް ނުކުރުމަށްވެސް ޓްރެފިކް ޕޮލިސް އިން ވަނީ އިލްތިމާސްކޮށްފައެވެ.

ފުލުހުންގެ އިދާރާއިން ވިދާޅުވީ، އެމީހާ މަރުވެފައި ވަނީ، ޕިކަޕުގެ މަސައްކަތެއް ކުރަމުން ދިޔަ ވަގުތުގައި އެމީހާގެ ގައިމައްޗަށް ޕިކަޕްވެއްޓި ހިނގި ހާދިސާއެއްގައި ކަމަށެވެ. އަދި އެހާދިސާ ފުލުހުންނަށް ރިޕޯޓްކޮށްފައި ވާ ކަމަށާއި، ހާދިސާ ފުލުހުން ތަޙްޤީޤު ކުރަމުން ދާކަމަށެވެ.

ހައިރައިސްއިން އިންތިޒާމްކޮށްގެން ބާއްވަމުން އަންނަ އެޓޯލް ބިޒްނަސް އެކްސްޕޯގެ މަޤުޞަދަކީ، ރާއްޖޭގެ އަތޮޅުތެރޭގެ ވިޔަފާރިތަކާއި ބޮޑެތި ކުންފުނިތައް އެއްތަނަކުން ބައްދަލުވެ، ވިޔަފާރީގެ އައު ފުރުޞަތުތައް ފަހިކޮށްދިނުމެވެ. އަތޮޅުތަކަށް އަމާޒުކޮށްގެން ބާއްވާ މި އެކްސްޕޯ ބ އަތޮޅުގައި ބޭއްވުމުގެ މަޤްޞަދަކީ ބ. އަތޮޅުގެ ރަށު ފެންވަރުގެ ވިޔަފާރިތަކާއި، ރާއްޖޭގެ ބޮޑެތި ބްރޭންޑްތަކާއި، ފަތުރުވެރިކަމުގެ ދާއިރާގެ ހިއްސާދާރުން ސީދާ ގޮތެއްގައި ގުޅުވައިދީ، އިޤްތިޞާދީ ކުރިއެރުމަށް މަގުފަހިކުރުމެވެ.

ބޭންކަށް މި އެވޯޑު ދީފައި ވަނީ މިނިސްޓްރީ އޮފް ސްޕޯޓްސް، ފިޓްނަސް އެންޑް ރެކްރިއޭޝަން އިން އިންތިޒާމުކޮށްގެން މިރޭ ބޭއްވި މޯލްޑިވްސް ސްޕޯޓްސް އެވޯޑްސްގައެވެ. ބޭންކުގެ ފަރާތުން މި އެވޯޑާ ހަވާލުވެލެއްވީ ސީއީއޯ އެންޑް މެނޭޖިންގ ޑިރެކްޓަރ މުޙައްމަދު ޝަރީފްއެވެ.

ފުލުހުންގެ އިދާރާއިން ވިދާޅުވީ، މުދާތަކެއްގެ ތެރޭގައި ފޮރުވައިގެން ދިވެހިރާއްޖެއަށް މަސްތުވާތަކެތި އެތެރެކޮށް އެ ތަކެތި ޓްރެފިކް ކުރާކަމަށް ތުހުމަތުކުރެވޭ މައްސަލައާ ގުޅިގެން، ހައްޔަރުކޮށްފައި ވަނީ، މ. މުލައް / މަދާރުގެ، ޙަސަން މަފާޒު )26އ( އާއި ހ. ފިލްމީސައިޓް / މާލެ، ވިޝާމް މުޙައްމަދު )35އ( ކަމަށެވެ. ފުލުހުންގެ އިދާރާއިން ވިދާޅުވީ އެދެމީހުން ހައްޔަރުކޮށްފައި ވަނީ މިމަހުގެ 12ވަނަ ދުވަހު ފުލުހުން ހިންގި އޮޕަރޭޝަނުގައި ކަމަށެވެ.

އެމިނިސްޓްރީން ހާމަކޮށްފައިވާ ގޮތުގައި، ކޮންމެ ގޭބިސީއަކަށް 1 ކޭސް މަސްދަޅު ދޫކުރާއިރު މިހާތަނަށް، 53،308 މަސްދަޅު ކޭސް ވަނީ، ދޫކޮށްފައެވެ. މިއަހަރުވެސް ހަދިޔާގެ ގޮތުގައި ދޫކުރަމުން އަންނަނީ، 48 ދަޅުގެ މިފްކޯ ތެޔޮމަސްދަޅު ކޭހެވެ.

ފުލުހުންގެ އިދާރާއިން ވިދާޅުވީ، އެތަކެތި އަތުލައިގެންފައި ވަނީ، ކަނޑުމަގުން ރާއްޖެގެނެސް މާލޭ ކޮމާޝަލް ހާބަރުގައި ހުއްޓައެވެ. އަތުލައިގަތް ތަކެތީގެ ތެރޭގައި، ހިމެނެނީ 36.43 ކިލޯ ގްރާމްގެ ހަޝިޝް އޮއިލެވެ. މަގުމަތީގެ އަގުން ބަލާނަމަ މިމަސްތުވާތަކެތީގެ އަގު 29 މިލިޔަނަށްވުރެ މަތިވާނެ ކަމުގައި ކަސްޓަމްސްއިން ވިދާޅުވެފައި ވެއެވެ.