ރާއްޖެ

މިއިންތިޚާބުގައި އެންމެ ވާދަވެރިކަން ބޮޑީ މާލޭ ސިޓީގެ މޭޔަރު ހޮވުމުގެ އިންތިޚާބުގައެވެ. މާލޭ ސިޓީގެ މޭޔަރުކަމަށް 5 ބޭފުޅަކު ވާދަކުރައްވައެވެ. އެއީ އަމިއްލަ ގޮތުން ވާދަކުރައްވާ ދެ ކެންޑިޑޭޓުންނާއި ތިންޕާޓީއަކުން ވާދަކުރާ ކެންޑިޑޭޓުންނެވެ.

އޭގެ ތެރެއިން އެކަކީ، ހޮސްޕިޓަލްގައި އެޑްމިޓްކޮށް ފަރުވާ ދެމުން ދަނިކޮށް ނިޔާވި ދަފްތަރު ނަމްބަރު. 439، އިބްރާހިމް ސުޙެއިލް )53އ(އެވެ. އަނެއް މީހަކީ، ސ. ހިތަދޫ، ދިއްގާގަސްދޮށުގޭ ޙަސަން ނިޔާޒް )45އ( އެވެ. ނިޔާޒު މަރުވީ، އޭނާއަށް ދިމާވި ކުއްލި ޞިއްޙީ މައްސަލައަކާއި ގުޅިގެން ހުޅުމާލެ ހޮސްޕިޓަލުގައި ފަރުވާދެމުން ދަނިކޮށެވެ.

މިނިސްޓަރ އާދަމް ޝަރީފް އުމަރު ވިދާޅުވީ، ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒުގެ ވަޢުދުފުޅާ އެއްގޮތަށް 1447 ވަނަ އަހަރުގެ ބަރަކާތްތެރި ރަމަޟާންމަހަށް ކޮންމެ ގޭބިސީއަކަށް ސަރުކާރުން ދޭ ރޯދަ ހަދިޔާ ގްރޭޓަރ މާލެ ސަރަޙައްދުގައި ދޫކުރުމުގެ މަސައްކަތް މިރޭގެ ނިޔަލަށް ނިމުނީ ކަމަށެވެ.

އެފްޑީސީން މިރޭ ބުނީ، އެފްޑީސީގެ 32 ޓަވަރުގައި، އާއްމު ގޭބިސީތަކުގެ ކުނު އުކާލުމަށް ބޭނުންކުރާނެ ޑަސްބިންތަކެއް މިހާރު ބަހައްޓާފައި ވާނެ ކަމަށެވެ. އަދި އެޑަސްބިންތަކަކީ، ހަމައެކަނި އާއްމު ގޭބިސީ ކުނި އެޅުމަށް ޚާއްޞަކުރެވިފައިވާ ޑަސްބިންތަކަކަށް ވާތީ، ފުޅިމަދާއި ކާޑުބޯޑު ފޮށީގެ އިތުރުން އާއްމު ގޭބިސީގެ ކުނީގެ ގޮތުގައި ނުހިމެނޭ އެއްވެސް ބާވަތެއްގެ ކުނި އެޑަސްބިނަށް އެޅުން މަނާވާނެ ކަމަށެވެ.

ފުލުހުންގެ އިދާރާއިން ވިދާޅުވީ، އެ މައްސަލައިގައި ހިމެނޭ ފުލުސް އޮފިސަރު ވަނީ އިންވެސްޓިގޭޝަން އޮފިސަރެއްގެ މަސްއޫލިއްޔަތުތަކުން އެކަހެރިކޮށްފައި ކަމަށާއި، 31 ޑިސެމްބަރު 2025 ގައި ފުލުހުންނަށް ހުށަހެޅި އެ މައްސަލައިގެ ޖިނާއީ ތަހުގީގު ކުރިއަށްދާއިރު، އެ އޮފިސަރާ ގުޅޭ އިދާރީ މައްސަލައެއް ޕްރޮފެޝަނަލް ސްޓޭންޑަރޑްސް ކޮމާންޑުން ވެސް ދަނީ ތަހުގީގު ކުރަމުން ކަމަށެވެ.

އެމްޓީސީސީން މިއަދު ތާރުއަޅައި ނިންމާފައި ވަނީ، ތާރުއަޅައިގެން ބާޒާރުމަތީ ސަރަހައްދުން ބޮޑުތަކުރުފާނު މަގު ތަރައްޤީކުރުމުގެ ދެވަނަ ފިޔަވަހީގެ މަސައްކަތެވެ. އެމަސައްކަތް އެކުންފުނިން ފެށީ ހުސްވި ޑިސެމްބަރު މަހުގައެވެ. އެމަސައްކަތުގެ ދަށުން ވަޅޯމަސްމާރުކޭޓާއި ހިސާބުން ފެށިގެން މާލޭ ނޯތު ހާބަރާއި ހަމައަށް ވަނީ، މަގު ފުޅާކޮށް، ތާރުއަޅާފައެވެ.

މިއަހަރުގެ ރޯދަމަހަށް ފެނަކައިން އެކުންފުނީގެ ކޮންމެ މުވައްޒަފަކަށްވެސް ރޯދަ ހަދިޔާގެ ގޮތުގައި، އެސްޓީއޯއިން ވިޔަފާރިކުރެވޭނެ ވައުޗަރެއް ދިނުމަށް ނިންމިއެވެ، އެކަން އެކުންފުނިން ހާމަކުރީ، ޖެނުއަރީ މަހުގެ 14 ވަނަ ދުވަހު ނެރުނު މެމޯއިންނެވެ. އެހެން ނަމަވެސް އިއްޔެ ވަނީ އެނިންމުން ބަދަލުކޮށް ވައުޗަރު ނުދޭން ނިންމިކަން އަންގައި މެމޯއެއް ފޮނުވާފައެވެ.

މިބިލަކީ، ގަލޮޅު އުތުރު ދާއިރާގެ މެންބަރު މުޙައްމަދު އިބްރާހީމް ރައްޔިތުންގެ މަޖިލީހަށް ހުށައެޅުއްވި ބިލެކެވެ. އޭނާ ހުށައަޅުއްވާފައި ވަނީ، )ޤާނޫނު ނަންބަރު 32/2015( ޓެރަރިޒަމް މަނާކުރުމުގެ ޤާނޫނުގެ 4 ވަނަ މާއްދާގެ )ށ(ގެ )7( ހަތްވަނަ ނަމްބަރުގެ ފަހަތަށް ނަމްބަރެއް އިތުރު ކުރުމަށެވެ. އެއީ މިސްކިތްތަކަށް ގެއްލުން ދިނުން ޓެރަރިޒަމްގެ ކުށެއްގެ ގޮތުގައި ހިމެނުމަށެވެ.

އިލެކްޝަންސް ކޮމިޝަނުން ހާމަކުރައްވާފައިވާ ގޮތުގައި، ކެންޑިޑޭޓުންގެ ނަންތައް ތަރުތީބު ކުރުން އޮންނާނީ މާދަމާ ހެނދުނު 10:00 ގައެވެ. މިގޮތުން ސިޓީތަކާއި ރަށްތަކުގައިވެސް މިކަން އޮންނާނީ އެއް ވަގުތެއްގައެވެ.

ޒިޔާދު މިހެން ވިދާޅުވީ، ދައުލަތުގެ ބަޖެޓުގައި މިސްކިތްތައް ބިނާކުރުމަށް ފައިސާގެ ތަނަވަސްކަން ނެތްކަމަށް މާލިއްޔަތު ކޮމިޓީގެ މުގައްރިރު އަދި ޖުމްހޫރީ ޕާޓީގެ ލީޑަރު، މާމިގިލި ދާއިރާގެ މެންބަރު ގާސިމް އިބްރާހީމް ވިދާޅުވުމުންނެވެ. މެންބަރު ފާހަގަކުރެއްވީ ދައުލަތް ބޮޑުތަނުން ދަރާފައި އޮތްއިރު، އެއްވެސް ކަމެއް ނުކުރާ އެއާޕޯޓެއް ދައުލަތަށް ނެގުމުގެ ބަދަލެއްގެ ގޮތުގައި 18 މިލިއަން ޑޮލަރު ވިލާ ކުންފުންޏަށް ދިނުމެވެ.

އެމްޑީޕީގެ ފަރާތުން ބޭއްވި ނޫސްވެރިންގެ ބައްދަލުވުމުގައި، ޣަފޫރު ވިދާޅުވީ، ގޯސްކޮށް ޤާނޫނު އަސާސީއާއި ކުޅުމާއި، ޤާނޫނު އަސާސީގައި ކަނޑައަޅާފައިވާ ދައުރުތައް ކުރުކޮށް ދިގު ކުރުމަކީ )ސަރުކާރަށް އެކަމުގެ( އެއްވެސް މަންފާއެއް އޮތްކަމެއް ނޫންކަން ރައްޔިތުންނަށް ދެއްކުމަށްޓަކައި ސަރުކާރުން މިއަންނަނީ މަސައްކަތް ކުރަމުން ކަމަށެވެ.

ބިލަށް ވޯޓަށް އެހުމުން ވޯޓުގައި ބައިވެރިވި 73 މެމްބަރުންގެ ތެރެއިން، 72 މެމްބަރުން ވޯޓު ދެއްވާފައި ވަނީ ބިލް ފާސްކުރަން ފެންނަ ކަމަށެވެ. ނުފެންނަ ކަމަށް ވޯޓު ދެއްވީ އެންމެ މެމްބަރެކެވެ. މިބިލަށް ވޯޓަށް އަހާފައި ވަނީ، ރައްޔިތުންގެ މަޖިލީހުގައި ތިއްބަވާ އެމްޑީޕީގެ 4 މެމްބަރެއްގެ ނަން އިއްވައި މަޖިލީހުގެ ތަޅުމުން ނެރުމަށްފަހުގައި، މަޖިލީހުގެ ޖަލްސާ އަލުން ފަށައި ކުރިޔަށް ގެންގޮސްގެނެވެ.

އެބިލަށް މިއަދު 11 ޖަހާއިރު ވޯޓަށް އަހާނެކަން އިޢުލާނު ކުރެއްވީ، މަޖިލިސް މެދު ކަނޑާލުމަށްފަހު، އަލުން މަޖިލީހުގެ ޖަލްސާ ފެށިއިރު، ރިޔާސަތު ބަލަހައްޓަވަމުން ގެންދެވި ރައްޔިތުންގެ މަޖިލީހުގެ ނައިބު ރައީސް އަޙްމަދު ނާޒިމެވެ.

މިއަދު ކުރިޔަށްދާ ރައްޔިތުންގެ މަޖިލީހުގެ މިއަހަރުގެ ފުރަތަމަ ދައުރުގެ ދެވަނަ ޖަލްސާގައި މަޖިލީހުގެ ތަޅުން ހޫނުވީ، ގާނޫނު އަސާސީ އިސްލާހުކުރުމުގެ ބިލު ރައްޔިތުންގެ މަޖިލީހުގެ މިއަދުގެ ޖަލްސާއަށް އެޖެންޑާ ކުރުމާއި އެކުގައެވެ. އެބިލަކީ، ރައްޔިތުންގެ މަޖިލީހުގެ އިނގުރައިދޫ ދާއިރާ ތަމްސީލް ކުރައްވާ، ޕީއެންސީގެ ޕާލަމެންޓްެެރީ ގުރޫޕްގެ ލީޑަރ އިބްރާހީމް ފަލާޙެވެ.

ފުލުހުންގެ އިދާރާއިން ވިދާޅުވީ، އެ ތަކެތި ފުލުހުންގެ ބެލުމުގެ ދަށަށް ގެނައުމަށްފަހު، މައްސަލަ ހުށަހެޅި ފަރާތާއި ތުހުމަތުކުރެވޭ ފަރާތާ ސުވާލުކުރުމުން، ދެ ފަރާތުންވެސް އެ ތަކެތީގެ މިލްކުވެރިކަމާ މެދު ދައުވާކޮށްފައި ވާކަމަށެވެ. ފުލުހުންގެ ބެލުމުގެ ދަށުގައި ހުރި މި ތަކެތީގެ ތެރެއިން ބައެއް ތަކެއްޗަކީ މިހާރުވެސް ހަލާކުވެފައިވާ އަދި އިތުރަށް ހަލާކުވުމުގެ ފުރުސަތު އޮތް ތަކެތިކަމަށްވާތީ، އެ ތަކެއްޗާ މެދު އަމަލުކުރާނެ ގޮތުގެ ގާނޫނީ ލަފަޔަކަށް ޕްރޮސިކިއުޓަރ ޖެނެރަލްގެ އޮފީހުގައި އެދުނު ކަމުގައިވެސް ފުލުހުންގެ އިދާރާއިން ވިދާޅުވިއެވެ.

މޫސުމާއި ބެހޭ ޤައުމީ އިދާރާއިން ވިދާޅުވީ، މެދުރާއްޖެތެރެއާ އުތުރުގެ އަތޮޅުތަކަށް ވައި ނުސާފުވެފައިވާ މިންވަރު ހުރީ އާއްމު ސިއްޙަތަށް ނުރައްކާތެރި ދަރަޖައެއްގައި ކަމަށެވެ. އެހެންކަމުން ކަނޑުމަތީގައި އުޅޭ ފަރާތްތަކާއި ގެއިން ބޭރުގައި ގިިނަ ވަގުތު ހޭދަކުރާ ފަރާތްތަކުން ހެލްތު ޕްރޮޓެކްޝަން އޭޖެންސީ އެޗްޕީއޭ ކަނޑައަޅާފައިވާ ރައްކާތެރިކަމުގެ ފިޔަވަޅުތައް ސަމާލުކަން ދިނުމަށްވެސް މެޓުން ވަނީ އިލްތިމާސްކޮށްފައެވެ.

މިއަދު ފެށުނު މިޚިދުމަތާއި ގުޅޭ ގޮތުން، މާލެ ސިޓީ ގްރޫޕް އޮފް ހޮސްޕިޓަލްސްގެ ޗީފް އެގްޒެކެޓިވް އޮފިސަރު އިބްރާހިމް އަބްދުއްރައްޒާގު ހަލީމް ވިދާޅުވީ، މިއީ، ދިވެހިރާއްޖޭގެ ޞިއްޙީ ދާއިރާއަށް ލިބުނު ތާރީޚީ ކުރިއެރުމެއް ކަމަށެވެ. އަދި މިއީ ސަރުކާރުގެ ހޮސްޕިޓަލެއްގައި ފުރަތަމަ ފަހަރަށް ޑޏާ ޓެސްޓިންގ ޚިދުމަތް ފެށުނު ފަހަރުކަންވެސް އޭނާ ފާހަގަކުރެއްވިއެވެ.

ރައީސުލްޖުމްހޫރިއްޔާގެ އޮފީހުން ހާމަކުރައްވާފައިވާ ގޮތުގައި، ރައީސްގެ މިދަތުރުފުޅަކީ، ޖަރުމަނުވިލާތުގެ ރައީސް ފްރޭންކް-ވޯލްޓަރ ސްޓައިންމަޔަރގެ ދަޢުވަތަކަށް ކުރައްވާ ރަސްމީ ދަތުރުފުޅެކެވެ.

އެ ޕޯސްޓަރަށް ގެއްލުން ދީފައި ހުއްޓައި ފެނިފައި ވަނީ މިއަދުއެވެ. އެޕޯސްޓަރަކީ، ކުރިޔަށް އޮތް ލޯކަލް ކައުންސިލް އިންތިހާބުގައި ފުވައްމުލަކު ދަނޑިމަގު ދާއިރާއިން ފުވައްމުަލަކު ސިޓީ ކައުންސިލަށާއި، އަންހެނުންގެ ތަރައްޤީއަށް މަސައްކަތްކުރާ ކޮމިޓީއަށް ވާދަކުރައްވާ ކެންޑިޑޭޓުންނަށް ތާއީދުހޯދުމުގެ ގޮތުން ހަރުކޮށްފައި ހުރި ބޮޑު ޕޯސްޓަރެކެވެ.

މާލޭ ޢަރަބިއްޔާ ކޮށީގައި ޢިމާރާތްކޮށްފައިވާ މާލޭ ގްރޭންޑްގެ 10 ބުރީގެ ޢިމާރާތުގައި 90 ފްލެޓް ހުރެއެވެ. އެތަނުގައި ގިނަ އަދަދެއްގެ މީހުން ދިރިއުޅޭ އިރު އެއް ލިފްޓް ހަލާކުވެފައި ހުރުމުގެ ސަބަބުން އޮފީސް ގަޑިތަކާއި ސްކޫލުތަކަށް ކުދިން ދާންޖެހޭ ގަޑިތަކުގައި، ރައްޔިތުންނަށް ބޮޑެތި ތަކްލީފްތަކާއި ކުރިމަތިވަމުން ދެއެވެ.