ރާއްޖެ

މިއީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ މި ރިޔާސީ ދައުރުގެ ތެރޭގައި، އެކޮމިޝަންގެ މެމްބަރުކަމަށް ރައީސުލްޖުމްހޫރިއްޔާ ތަމްސީލްކުރައްވާ މެމްބަރުގެ ގޮތުގައި ޢައްޔަނުކުރެއްވި ތިންވަނަ ބޭފުޅާއެވެ. އެންމެ ފުރަތަމަ އެމަޤާމަށް ޢައްޔަނުކުރެއްވީ، އަލްއުސްތާޛު މުޙައްމަދު ސަމީރެވެ. އޭނާ މެމްބަރުކަމުން ވަކިކުރީ، ކުއްލިގޮތަކަށެވެ.

ފުލުހުންގެ އިދާރާއިން މީޑިއާތަކަށް މިރޭ ފޮނުވި މެސެޖުގައި ވިދާޅުވީ، 2026 މެއި 16 ވަނަ ދުވަހު ކުރިއަށް ގެންދިޔަ ސަރޗް އޮޕަރޭޝަންގައި ސާޖަންޓް ފަސްޓް ކްލާސް މުޙައްމަދު މަހުދީ ނިޔާވި ހިތާމަވެރި ހާދިސާ ހިނގަން މެދުވެރިވި ގޮތް ފުލުހުން ގެންދަނީ ބަލަމުންކަމަށެވެ. އެހެން ނަމަވެސް އެކަމާއި ގުޅޭ އިތުރު ތަފްޞީލެއް ފުލުހުން ދީފައެއް ނުވެއެވެ.

ގެއްލުނު 5 ޑައިވަރުންގެ ތެރެއިން އެކެއްގެ ހަށިގަނޑު ފެނުނީ، އެދުވަހުގެ 18:15 ހާއިރު، ގެއްލުނު މީހުން ހޯދުމަށް ފީނި ސަފާރީގެ ޑައިވަރަކަށެވެ. ފެނުނު އިރުވެސް އޭނާ އޮތީ މަރުވެފައެވެ. ގެއްލުނު އަނެއް 4 ޑައިވަރުން ހޯދުމަށް ފީނުމުގެ ތެރޭގައި، އެމްއެންޑީއެފް ކޯސްޓްގާޑުގެ ޑައިވަރު، މުޙައްމަދު މަޙުދީ ނިޔާވީ، ހޮނިހިރު ދުވަހުގައެވެ. މަހުދީގެ ހަށިގަނޑު ނެގީ ފުލުހުންގެ މެރިންކޯގެ ޑައިވަރުން ފީނައިގެންނެވެ.

ކާމިޔާބުކަމާއި އެކު ދެމީހެއްހެ ހަށިގަނޑު ނެގިފައިވާކަން، އެމަސައްކަތް ކުރަމުން އަންނަ "ޑޭން ޔޫރަޕް" ގުރޫޕުން ވަނީ ހާމަކޮށްފައެވެ. އަދި އަނެއް ދެމީހުންގެ ހަށިގަނޑުވެސް، މޫސުމް ތަންދޭނަމަ، މާދަމާ، ނަގާނެ ކަމުގައި އެގުރޫޕުން ވަނީ ހާމަކޮށްފައެވެ.

ކަސްޓަމްސްއިން މިރޭ ވިދާޅުވީ، އަތުލައިގަނެވުނީ، 2،304،200 ސިނގިރޭޓު ސްޓިކް ކަމަށެވެ. މި ތަކެތި އަތުލައިގަނެފައިވަނީ، ރާއްޖެއަށް ކަނޑުމަގުން ގެނައި ޝިޕްމެންޓެއްގައި ފޮރުވައިގެން ސިނގިރޭޓް އެތެރެކުރަން އުޅޭކަމަށް ލިބުނު މަޢުލޫމާތަކާ ގުޅިގެން، 2026 މެއި 14 އަދި 15 ވަނަ ދުވަހު ކަސްޓަމްސްއިން ހިންގި ޚާއްސަ އޮޕަރޭޝަނެއްގައި ކަމުގައިވެސް ކަސްޓަމްސްއިން ވިދާޅުވިއެވެ.

މި ބަދަލާއިއެކު ރައީސުލްޖުމްހޫރިއްޔާގެ އޮފީހުގެ ނަންބަރު 2026/12 ދެންނެވުމުން ވަނީ "އައްޑުއަތޮޅު އައްޑޫ މީދޫ ކައުންސިލްގެ އިދާރާ" އާއި "އައްޑުއަތޮޅު އައްޑޫ ހުޅުދޫ ކައުންސިލްގެ އިދާރާ"ގެ ނަން އިނގިރޭސި ބަހުން ބޭނުންކުރާނެ ގޮތް ވެސް އާންމުކުރައްވާފައެވެ.

ހިރިމަރަދޫ ކައުންސިލް އުވާލެއްވީ، ހދ. ހިރިމަރަދޫގެ ރައްޔިތުން އެ އަތޮޅު ހަނިމާދޫއަށް ބަދަލުކުރުމަށް ނިންމަވައި، ހިރިމަރަދޫއަކީ މީހުން ދިރިނޫޅޭ ރަށެއްގެ ގޮތުގައި ރައީސުލްޖުމްހޫރިއްޔާ ކަނޑައަޅުއްވާފައިވާތީއެވެ.

އެމްއެންޑީއެފުން ވިދާޅުވީ، ޑައިވިނަށް ގޮސް އުޅެނިކޮށް ގެއްލުނު 4 ފަތުރުވެރިން ހޯދުމަށް އެމްއެންޑީއެފް ކޯސްޓްގާޑާއި، ފުލުހުންގެ ޚިދުމަތާއި އަދި އިޓަލީ ސަރުކާރުން ހަމަޖެއްސި ބޭރުގެ ތަޖުރިބާކާރު ޑައިވަރުން ގުޅިގެން މިއަދު ހިންގި އޮޕަރޭޝަނުގައި، އެމީހުންގެ ހަށިގަނޑުތައް ވަނީ ލޮކޭޓްކުރެވިފައި ކަމަށެވެ.

ސަރުކާރުން ހާމަކޮށްފައިވާ ގޮތުގައި މިއަދު އަލުން ސާރޗް އެންޑް ރިކަވަރީ އޮޕަރޭޝަން ފަށާފައި ވަނީ، އިއްޔެ އައި ބޭރުގެ ތަޖުރިބާކާރު ޑައިވަރުންގެ ޓީމާއި އެކުގައެވެ. އިޓަލީގެ ރަސްމީ ފަރާތްތަކުގެ އެހީއާއެކު، ރާއްޖެއައި ޑައިވަރުންނަކީ، ފިންލޭންޑުގެ ތަޖުރިބާކާރު ޑައިވަރުންނެވެ. އެމީހުންގެ ތެރޭގައި މީގެ ކުރިން މިފަދަ އެތައް އޮޕަރޭޝަނެއް ކާމިޔާބު ކަމާއި އެކު ނިންމުމުގައި ބައިވެރިވި ޑައިވަރުންވެސް ހިމެނެއެވެ.

މި ހާދިސާގައި ގެނބުނު މީހާ ގދ. ވާދޫ ސިއްހީ މަރުކަޒަށް ގެންދިޔައިރުވެސް ނިޔާވެފައިވާކަމަށް ސިއްހީ މަރުކަޒުން މައުލޫމާތު ދީފައިވާ ކަމުގައި ފުލުހުންގެ އިދާރާއިން ވަނީ ވިދާޅުވެފައެވެ.

މިއަދު ވަނީ ޖުމުލަ 184 ކައުންސިލެއްގެ ކައުންސިލް މެމްބަރުންނާއި އތމ ކޮމިޓީގެ މެމްބަރުން ހުވާކޮށްފައެވެ. މިރަސްމިއްޔާތުތައް ބާއްވާފައި ވަނީ ވަކިވަކީންނެވެ.

ފުލުހުންގެ އިދާރާއިން ވިދާޅުވީ، އެމުޒާހަރާއިން 10 މީހަކު ހައްޔަރުކުރި އިރު އޭގެ ތެރެއިން 7 މީހުން ދޫކޮށްލި ކަމަށެވެ. ކޯޓުން ބަންދުގެ މުއްދަތުޖަހައިދިނުމުން ބަންދުގައި ތިބި 3 މީހުންގެ ތެރެއިން އެކަކު 3 ދުވަހަށް ބަންދު ކުރުމަށް، އެކަކު 5 ދުވަހަށް ބަންދު ކުރުމަށް އަދި އަނެއް މީހާ 10 ދުވަހަށް ބަންދު ކުރުމަށް ކޯޓުން އަމުރު ދިނެވެ.

ދަސްވެނިވި ދަރިވަރުންގެ ތެރޭގައި، ދިވެހިރާއްޖޭގެ 112 ރަށަކަށް ނިސްބަތްވާ، 343 ދަރިވަރުން ހިމެނެއެވެ. މި ދަސްވެނީންގެ ތެރޭގައި، 18 އަހަރުން ދަށުގެ 113 ދަރިވަރުން ހިމެނޭކަމާއި، ދަސްވެނީންގެ ތެރޭގައި 63 އަންހެން ކުދިންނާއި، 280 ފިރިހެން ކުދިން ހިމެނެއެވެ.

ހެލްތް މިނިސްޓްރީގެ މީޑިއާ ގްރޫޕުގައި ހިއްސާކުރި މެސެޖެއްގައި އެޗްޕީއޭއިން ބުނީ ކަމާ ގުޅުންހުރި އިދާރާތަކާ ގުޅިގެން މިވަގުތުގެ ހާލަތު މޮނީޓަރ ކުރަމުންދާ ކަމަށެވެ. އަދި މައުލޫމާތު ލިބެމުންދާ ވަރަކަށް މީޑިއާތަކާ ހިއްސާކުރާނެ ކަމަށް އެޗްޕީއޭއިން ބުންޏެވެ. ޑީއާރްސީ ނުވަތަ ޑިމޮކްރެޓިކް ރިޕަބްލިކް އޮފް ކޮންގޯގައި އާއި ފެތުރޭ އިބޯލާގެ ވައްތަރެއްކަމަށްވާ ބަންޑިބުގްޔޯ ވައިރަސްއަށް ވަކި ހާއްސަ ވެކްސިނެއް ނެތްކަމަށް ދުނިޔޭގެ ސިއްހަތު ޖަމްއިއްޔާއިން ވަނީ ހާމަކޮށްފައެވެ.

މަހުދީގެ ޖަނާޒާގައި މޫނު ދެއްކުން ކުރިޔަސް ދިޔައީ މިރޭގެ 19:00 އިން ފެށިގެން އިސްލާމީ މަރުކަޒުގައެވެ. މަޙްދީގެ މައްޗަށް ކަށު ނަމާދުކުރުން އޮތީ މިރޭގެ 22:00ގައި މަސްޖިދުލްސުލްޠާން މުޙައްމަދު ތަކުރުފާނުލްއަޢުޡަމްގައެވެ.

ރޭ ދައުލަތުގެ މީޑިއާ ޕީއެސްއެމްގެ ރާއްޖެ މިއަދު ޕްރޮގްރާމްގައި ވާހަކަފުޅު ދައްކަވަމުން، ބްރިގޭޑިއާ ޖެނެރަލް މުހައްމަދު ސަލީމް ވިދާޅުވީ، ސިފައިންގެ ޑައިވަރުން ފީނުމަށް ތަމްރީންވެފައި ތިބީ، 50 މީޓަރަށް ކަމަށެވެ.

މިހާދިސާ އާއި ގުޅިގެން އެންމެ ފުރަތަމަ އެމްއެންޑީއެފުން ވިދާޅުވީ، ފެލިދެއަތޮޅުގައި ފީނަން ދިޔަ ޑައިވަރުންގެ ތެރެއިން ގެއްލުނު ހަތަރު ޑައިވަރު ހޯދުމަށް، އެމްއެންޑީއެފުން ކުރިއަށްގެންދާ، ސާޗް އެންޑް ރެސްކިއު އޮޕަރޭޝަނުގައި މިއަދު ޑައިވްކުރި، ސިފައިންގެ ބޭކަލެއްގެ ހާލު ދެރަވެގެން، އޭޑީކޭ ހޮސްޕިޓަލަށް ގެންދެވުނު ކަމަށެވެ. އޭނާ ނިޔާވީ، ހޮސްޕިޓަލަށް ގެންދިޔަ ފަހުން ކަމެއް ނުވަތަ އޭގެ ކުރިން ކަމެއް އަދި ސާފެއް ނުވެއެވެ.

އެމްއެންޑީއފުން ވިދާޅުވީ، ފެލިދެއަތޮޅުގައި ފީނަން ދިޔަ ޑައިވަރުންގެ ތެރެއިން ގެއްލުނު ހަތަރު ޑައިވަރު ހޯދުމަށް، އެމްއެންޑީއެފުން ކުރިއަށްގެންދާ، ސާޗް އެންޑް ރެސްކިއު އޮޕަރޭޝަނުގައި މިއަދު ޑައިވްކުރި، ސިފައިންގެ ބޭކަލެއްގެ ހާލު ދެރަވެގެން، އޭޑީކޭ ހޮސްޕިޓަލަށް ވަނީ ގެންދެވިފައިވާ ކަމަށެވެ.

ރާއްޖޭގައި ރިކްރިއޭޝަނަލް ޑައިވް ކުރެވޭ އެންމެ ފުންމިނަކީ 30 މީޓަރެވެ. އެއަށް ވުރެ ފުނަށް ފީނޭނީ، އެކަމާއި ގުޅޭ ހުއްދަތައް ހޯދައިގެންނެވެ. އެހެންނަމަވެސް ކަނޑުގެ 58 މީޓަރު ފުނުގައި ހުރި އެ ހޮހަޅައަށް އެމީހުން ފީނި އިރު އެކަމުގައި ކަމާއި ބެހޭ ފަރާތްތަކުން ނަގަންޖެހޭ ހުއްދަތައް ނަގާފައި ނުވާކަމުގައި މައުލޫމާތު ލިބިފައި ވެއެވެ.