މުޙައްމަދު މޫސާ ބުނާ ގޮތުގައި އޭނާ، މާލޭގައި ދިރިއުޅެންފެށީ ރައީސް އިބްރާހީމް ނާޞިރުގެ ވެރިކަމުންް ފެށިގެންނެވެ. ރައީސް ނާސިރު ރާއްޖޭގެ ރައީސްކަމަށް ވަޑައިގެންނެވިއިރު، މާލޭގެ އާބާދީ އަކީ 11000 އެވެ. 1978 ވަނަ އަހަރު އެމަނިކުފާނު ވެރިކަމުން ވަކިވެވަޑައިގެންނެވި އިރު، މާލޭގެ އާބާދީ 29000އަށް އަރައިފިއެވެ. ރައީސް ނާޞިރުގެ ދައުރުގައި، މާލޭގެ ގޯތި ގެދޮރުގެ ދަތިކަން ހައްލު ކުރެއްވުމުގެ ގޮތުން އޭރު މާލޭގައި ހުރި، ޒަމާންވީ ބައެއް މިސްކިތްތަކާއި ޤަބުރުސްތާނުތައް ނަގައި އެތަންތަނުން އާއްމުންނަށް ގޯތި ދެއްވިއެވެ. ރައީސް މައުމޫނުގެ ވެރިކަމުގައި މާލޭގެ ބިން ހިއްކަވައި، މާލެއިންވެސް ވަރަށް ގިނަ ބަޔަކަށް ގޯތި ދެއްވިއެެވެ. އެހެން ނަމަވެސް އެއިން އެއްވެސް ފަހަރެއްގައި މުޙައްމަދު މޫސާއަކަށް ގޯއްޗެއްގެ ނަޞީބެއް ލައްވައެއް ނުލައެވެ.