ރައްޔިތުންގެ ނޫސް

ގާނޫނާއި ޝަރީއަތުގައި، ގާނޫނު ހަމަތަކުގެ ތެރެއިން އެމަނިކުފާނު ޖަލަށް ލެވޭނެ އެއްވެސް ގޮތެއް ނޯންނާނެ ކަމަށާއި، އެހެން ނަމަވެސް އެމަނިކުފާނު ޖަލަށް ލައްވައިފިނަމަ، އެކަން ވެގެންދާނީ މިސަރުކާރުން ހައްދަވާނެ އެންމެ ބޮޑު ގޯހަށް ކަމަށެވެ. މީގެ އިތުރުން ރައީސް ޔާމީން ވިދާޅުވީ، "ވާނުވާ" ގެ މައްސަލަ )ޝަރީޢަތް ނިމެންދެން ބަންދުކުރުމުގެ މައްސަލަ( އެންމެގާތުން އެމަނިކުފާނަށް އެނގިވަޑައިގައިގަތީ، އެމަނިކުފާނުގެ މައްޗަށް ޝަރީއަތް ކުރަންފެށި އިރު އެމަނިކުފާނުވެސް ޝަރީއަތް ނިމެންދެން ބަންދު ކުރުމަށް ކުރިމިނަލްކޯޓުން ބަންދުގެ މުއްދަތު ޖެހި ހިސާބުން ކަމަށެވެ.

އެބައްދަލުވުމުގައި ރައީސުލްޖުމްހޫރިއްޔާ ވިދާޅުވީ، ވައިގެ މަގުން އަދި ކަނޑުމަގުން އެތެރެކުރާ މުދާ ކްލިއަރ ކުރުމުގައި ހުރި ދަތިތައް ހައްލުކޮށްދެއްވުމުގެ ގޮތުން، މާލޭ ވިޔަފާރި ބަނދަރުން މުދާ ކްލިއަރ ކުރުމަށް މިހާރު އޮންނަ ވަގުތު 18 ގަޑިއިރުން 24 ގަޑިއިރަށް ހަމަޖައްސަވައިދެއްވާނެ ކަމަށެވެ. އަދި މާލޭ ވިޔަފާރި ބަނދަރުން، އަމިއްލަ ފަރާތްތަކުގެ ވެހިކަލް ވައްދައިގެން މުދާ ކްލިއަރ ކުރެވޭނެ އިންތިޒާމް ހަމަޖެއްސައިދެއްވާނެ ކަމަށް ވެސް އެމަނިކުފާނު ވިދާޅުވިއެވެ.

މިރޭ ޕީއެންއެފްއިން އާޓިފިޝަލް ބީޗުގައި ބޭއްވި ޖަލްސާގައި ވާހަކަފުޅު ދައްކަވަމުން ރައީސް ޔާމީން ވިދާޅުވީ، ޕީއެންއެފްއިން ކެންޑީޑޭޓެއްގެ ގޮތުގައި ނެރުނު އިސްމާއީލް ޒަރިޔަންދު ޕީއެންއެފާއި ގުޅިވަޑައިގަންނަވަން ކޮންމެހެން ނުޖެހޭނެ ކަމަށެވެ. ރައީސް ޔާމީން ވިދާޅުވީ، މާލޭ ސިޓީގެ މޭޔަރަކީ، ވަކި ސިޔާސީ ޕާޓީއަކަށް ނިސްބަތްވާ މީހަކަށް ވާން ނުޖެހޭ ކަމަށެވެ. އަދި ސިޔާސީ ޕާޓީއަކުން މޭޔަރަކު އައުމުން ރައްޔިތުންނަށް އެކަށީގެންވާ ގޮތެއްގައި ޚިދުމަތްތަކެއް ނުދެވޭ ކަމުގައިވެސް ރައީސް ޔާމީން ވިދާޅުވިއެވެ.

ބީއެމްއެލް ސްޓާޓަޕް ގްރާންޓަކީ އަލަށް ވިޔަފާރީގެ ދާއިރާއަށް ނުކުންނަ ފަރާތްތަކަށް ވިޔަފާރިއެއް ފެށުމަށް ނުވަތަ އެއް އަހަރު ނުވާ ވިޔަފާރިއެއް ފުޅާކުރުމަށް ހިލޭ އެހީގެ ގޮތުގައި 500،000 ރުފިޔާ ދެމުންއަންނަ ފަންޑެއް ކަމުގައި އެބޭންކުން ހާމަކުރައްވާފައިވެއެވެ.

މިރޭ އާޓިފިޝަލްގައި ޕީއެންއެފް އިން "ރިސެޓް"ގެ ނަމުގައި ބާއްވަމުން އަންނަ ޖަލްސާގައި، ޒަރިޔަންދު ވަނީ ޕީއެންއެފްގެ މެމްބަރުންނާއި މުޚާތަބުކޮށް ވާހަކަދައްކަވާފައެވެ. އޭނާގެ ވާހަކަފުޅުގައި ވިދާޅުވީ، މާލޭ ސިޓީގެ މޭޔަރުކަމަށް ޕީއެންއެފްގެ ކެނޑިޑޭޓްގެ ގޮތުގައި ނުކުންނެވީ، އެޕާޓީ އާއި ރައީސް ޔާމީންގެ ސިޔާސަތުތަކަށް ތާޢީދު ކުރައްވައިގެން ކަމަށެވެ. އެހެން ނަމަވެސް މާލޭގެ މޭޔަރުކަމަށް ނުކުންނަވަނީ، ވަކި ސިޔާސީ ފިކުރަކަށްވުރެ މާލޭގެ ރައްޔިތުންގެ ޙައްޤުގައި ކަމަށެވެ.

މޫސާ ޢަލީ ޖަލީލު، ޗީފް އޮފް ޑިފެންސްފޯސްގެ މަޤާމުގައި ހުންނެވީ، އެމްޑީޕީގެ ވެރިކަމުގައެވެ. ސިފައިންނާއި ފުލުހުން ސަރުކާރާއި ދެކޮޅުވެ ރައީސް ނަޝީދުވެ ވެރިކަން ބަދަލު ކޮށްލިއިރު، މޫސާ ޢަލީ ޖަލީލު ހުންނެވީ ޗީފް އޮފް ޑިފެންސްފޯސްގެ މަޤާމުގައެވެ.

ފުލުހުންގެ އިދާރާއިން މީޑިއާތަކަށް ފޮނުއްވި މެސެޖުގައި ވިދާޅުވީ، މަސްވެރިންގެ އިހުތިޖާޖާއި ގުޅިގެން ހައްޔަރުކުރި 3 މީހުންވެސް މިހާރު ވަނީ ދޫކޮށްލާފައި ކަމަށެވެ. އެގޮތުން ހައްޔަރު ކުރި މީހުންގެ ތެރެއިން، އެންމެ ފުރަތަމަ ދޫކޮށްލާފައި ވަނީ، ކެންދޫގެ ދާއިރާގެ މެމްބަރު މައުރޫފް ޒާކިރެވެ. ޑިސެންބަރު 13 ވަނަ ދުވަހު އޭނާ ބަންދުން ދޫކޮށްލީ، އޭނާގެ ޞިއްޙީ ހާލަތު ކުރި ގޮތުން ކަމުގައި، ފުލުހުންގެ އިދާރާއިން ވަނީ ވިދާޅުވެއެވެ. އަނެއް ދެމީހުން ބަންދުން ދޫކޮށްލީ އިއްޔެއެވެ. އެމީހުން ބަންދުން ދޫކޮށްލީ، ތަހުގީގަށް ފުރިހަމަކުރަންޖެހޭ ކަންކަން ފުރިހަމަކުރުމަށްފަހުގައި ކަމަށްވެސް ފުލުހުންގެ އިދާރާއިން ވިދާޅުވިއެވެ.

ރައީސުލްޖުމްހޫރިއްޔާގެ ޕޯސްޓުގައި ވިދާޅުވެފައި ވަނީ، ދިވެހިރާއްޖޭގައި އުޅެމުންދާ ބިދޭސީންގެ ތެރެއިން ބައެއް ފަރާތްތަކުން ރޭގަނޑުގެ ދަންވަރު ވަގުތުތަކުގައި ރަށުތެރޭގެ އާއްމު މަސްލަހަތު ގެއްލޭ ފަދަ ކަންކަން ކުރަމުންދާތީއާއި އާއްމު އިޖްތިމާއީ މިންގަނޑުތަކާއި ޚިލާފަށް އުޅެމުންދާތީ، ދަންވަރު 12:00 އިން ފެށިގެން ހެނދުނު 06:00 އާއި ހަމައަށް އާންމު ތަންތަނުގައާއި މަގުމަތީގައި އުޅޭ ބިދޭސީން ހުއްޓުވާ ސުވާލުކޮށް އަދި ފާހަގަވާ ކަންކަމާއި ގުޅިގެން ޤާނޫނީގޮތުންއަޅަންޖެހޭ ފިޔަވަޅެއްވާނަމަ އެ ފިޔަވަޅުއެޅުމަށް މިރެއިން ފެށިގެން ދިވެހި ފުލުހުންނާއި ކަމާއިބެހޭ އެހެން އިދާރާތަކުން މަސައްކަތް ފަށަން ވާނީ ދަންނަވާފައިވާ ކަމަށެވެެ.

ސްރީލަންކާގެ ވެރިރަށް ކޮލަމްބޯ އާއި ޗިލާ މަތީގައި، އެބޯޓު 2 ގަޑިއިރަށް ވުރެ ގިނައިރު ދުއްވާފައި ވަނީ، ބޯޓުން ތެޔޮ ހުސްކުރުމަށެވެ. ބޯޓުގެ ފަސިންޖަރުންނާއި ކްރޫއިންނާއި، އެއަރ ޓްރެފިކް ކޮންޓްރޯލަރުން ނޭވާ ހިފަހައްޓާަލައިގެން ތިބެން ޖެހުނު 2 ގަޑި އިރަށް ފަހުގައި، ބޯޓު ބަންޑާރަ ނައިކެ އިންޓަރނޭޝަނަލް އެއާޕޯޓަށް ޖެއްސި އިރު، އެއާޕޯޓު އޮތީ ކުއްލި ޙާލަތަކަށް ގެނެސްފައެވެ.

ސްރީލަންކާގެ ނޭވީން ހާމަކޮށްފައިވާ ގޮތުގައި، އަތުލައިގަތް ބިޑި އޮޅާފަތް ނުވަތަ ކެންޑު ލީފްތަކުގެ ބަރުދަނުގައި، 1292ކިލޯ ހުއްޓެވެ. މި ފަތްތައް ފެނިފައި ވަނީ ގޯނި ގޯނީގައި ބަންދުކޮށް ވަގަށްބޭރުކުރަން ތައްޔާރުކޮށްފައި ހުއްޓައި، ސްރީލަންކާގެ އެރުކައްލަޕިއްޑި ގޮނޑުދޮށް ސަރަހައްދުން ކަމުގައިވެސް ލަންކާ ނޭވީން ހާމަކޮށްފައިވެއެވެ.

މުޙައްމަދު މޫސާ ބުނާ ގޮތުގައި އޭނާ، މާލޭގައި ދިރިއުޅެންފެށީ ރައީސް އިބްރާހީމް ނާޞިރުގެ ވެރިކަމުންް ފެށިގެންނެވެ. ރައީސް ނާސިރު ރާއްޖޭގެ ރައީސްކަމަށް ވަޑައިގެންނެވިއިރު، މާލޭގެ އާބާދީ އަކީ 11000 އެވެ. 1978 ވަނަ އަހަރު އެމަނިކުފާނު ވެރިކަމުން ވަކިވެވަޑައިގެންނެވި އިރު، މާލޭގެ އާބާދީ 29000އަށް އަރައިފިއެވެ. ރައީސް ނާޞިރުގެ ދައުރުގައި، މާލޭގެ ގޯތި ގެދޮރުގެ ދަތިކަން ހައްލު ކުރެއްވުމުގެ ގޮތުން އޭރު މާލޭގައި ހުރި، ޒަމާންވީ ބައެއް މިސްކިތްތަކާއި ޤަބުރުސްތާނުތައް ނަގައި އެތަންތަނުން އާއްމުންނަށް ގޯތި ދެއްވިއެވެ. ރައީސް މައުމޫނުގެ ވެރިކަމުގައި މާލޭގެ ބިން ހިއްކަވައި، މާލެއިންވެސް ވަރަށް ގިނަ ބަޔަކަށް ގޯތި ދެއްވިއެެވެ. އެހެން ނަމަވެސް އެއިން އެއްވެސް ފަހަރެއްގައި މުޙައްމަދު މޫސާއަކަށް ގޯއްޗެއްގެ ނަޞީބެއް ލައްވައެއް ނުލައެވެ.

ބީއެމްއެލްއިން ވިދާޅުވީ، މިއީ، ރާއްޖޭގެ ޑިޖިޓަލް ޕޭމަންޓް ހައްލުތައް ހަރުދަނާކުރުމަށާއި ރާއްޖޭގެ ފަތުރުވެރިކަންފަތުރުވެރިކަން ކުރިއެރުވުމަށް އެހީތެރިވުމަށް ބޭންކުން ކުރަމުންދާ މަސައްކަތްތަކަށް އިތުރު ފުރިހަމަކަމެއް ގެނެސްދޭނެ އެއްބަސްވުންތަކެއް ކަމަށެވެ. ބީއެމްއެލް، ވޭސިންގ ޕޭ އަދި ވިޒިޓް މޯލްޑިވްސް ކޯޕަރޭޝަންގެ މެދުގައި ގާއިމުކުރެވުނު މި ސްޓްރެޓްޖިކް އެއްބަސްވުމުގެ ދަށުން ރާއްޖޭގެ ފަތުރުވެރިކަން ފުޅާކުރުމަށް މަސައްކަތް ކުރެވިގެންދާނެ ކަމަށާއި، ގޮތުން ރާއްޖެ މާކެޓު ކުރުމާއި ފަތުރުވެރިންގެ އެންގޭޖްމެންޓް އިތުރުކުރުމާއި ޑިޖިޓަލް ހަރަކާތްތައް އިތުރުކުރުމާއި، ފަތުރުވެރިކަން ކުރިއެރުވުމަށް ގުޅިގެން މަސައްކަތްތަކެއް ކުރުމަށް ވަނީ ނިންމާފައ ކަމުގައިވެސް ބީއެމްއެލްއިން ވިދާޅުވިއެވެ.

އެ މުޒާހަރާ އާއި ގުޅިގެން ފުލުހުން ދޯނި ފަހަރަށް އަރައި، ބޮޑުކަންނެލި މަސްވެރިންގެ ޔޫނިއަންގެ ސެކްރެޓަރީ ޖެނެރަލް، އަދި ރައްޔިތުންގެ މަޖިލީހުގެ ކެންދޫ ދާއިރާގެ މެމްބަރު މަޢުރޫފް ޒާކިރާއި، ބައެއް ކެޔޮޅުން ހައްޔަރުކުރިއެވެ. އަދި ދޯނި ފަހަރުގައި މަސައްކަތް ކުރަމުން ދިޔަ ބިދޭސީންވެސް ފުލުހުންގެ ބެލުމުގެ ދަށަށް ގެންގޮސް އިމިގްރޭޝަނާއި ހަވާލުކުރިއެވެ. އިމިގްރޭޝަނާއި ބިދޭސީން ހަވާލުކޮށްފައި ވަނީ، ފުލުހުންގެ އަމުރަށް ނުކިޔަމަންތެރިވި ކަމަށް ބުނެ ކަމުގައި އިމިގްރޭޝަނުން ވިދާޅުވިއެވެ.

ކުރީ ސަރުކާރުތަކުގައިވެސް އިސްކޮށް މަސައްކަތް ކުރެއްވި ވަޒީރެއްގެ ހައިސިއްޔަތުން ލިބިވަޑައިގެންފައިވާ ތަޖުރިބާތައްވެސް އެކަމަނާ ވަނީ ޙިއްޞާކުރައްވާފައެވެ. ރާޝިދާގެ ވާހަކަފުޅުގައި ރާއްޖޭގެ ތަޢުލީމީ ނިޒާމާއި މެދު އޮތް ކަންބޮޑުވުންތައް ވަރަށް ބޮޑަށް ފާޅުކުރެއްވިއެވެ. އަދި ޚާއްޞަކޮށް މާލެ ސަރަހައްދުގެ ސްކޫލުތަކުގައި ކުދިން ގިނަވެ ދެ ދަންފަޅިއަަށް ބަދަލުކުރަންޖެހުންފަދަ ކަންތައްތަކުގެ ސަބަބުން ކިޔެވުމާއި ކިޔަވައިދިނުމުގެ ކަންކަން އިތުރަށް ދަތިވަމުންދާކަން އެކަމަނާ ފާހަގަކުރެއްވިއެވެ. އަދި ސްކޫލުތައް ހިންގަވަން ތިއްބަވާ ބޭފުޅުންނަށްވެސް ކުޅަދާނަ ނުވާވަރަށް ސްކޫލުތަކުގައި ކުދިން ގިނަކަން އެކަމަނާ ފާހަގަކުރެއްވިއެވެ.

ފައިވާނެއްގެ އަގު ބޮޑު ކަމަށް ވަނީ ކިހާވަރަކަށް އަގުބޮޑުވީމާތޯ މިއީ ޖަވާބުދޭން އުނދަގޫ ސުވާލެކެވެ. އެހެން ނަމަވެސް ދުނިޔޭގައި މިހާރު އުފައްދާފައިވާ ބައެއް ފައިވާންތަކުގެ އަގުތައް އެނގިއްޖެނަމަ ހަމަ އަންތަރީސްވާ ވަރުވާނެއެވެ. މިލިސްޓްގައި ހިމެނެނީ، އެއް މިލިއަން ޑޮލަރާއި 20 މިލިއަން ޑޮލަރާއި ދެމެދުގެ އަގުހުރި 10 ފައިވާންތަކެވެ.

އަޒްމީލު ނިޔާވި ހާދިސާ ހިނގީ، ނޮވެމްބަރު މަހުގެ 26 ވަނަ ދުވަހު، ހުޅުމާލެ ފޭސް 1ގައި ހުންނަ ސްޓެލްކޯގެ ބައު އިންޖީނު ގޭގެ ތެރޭގައި، ސްވިޗް ގިއަރ އަކަށް ދިމާވި މައްސަލައެއް ހައްލުކުރުމުގެ މަސައްކަތް ކުރަމުން ދަނިކޮށް ކަރަންޓްގައި ޖެހިގެންނެވެ. އޭނާ ކަރަންޓުގައި ޖެހުމާއި އެކު ހަށިގަނޑުގައި ހުޅުރޯވިއެވެ. އެހެންވެ އެހާދިސާގައި އޭނާއަށް ވަރަށް ސީރިއަސް ޒަޚަމްތަކެއް ލިބުނެވެ.

ރޭޑިއޯ ސިލޯނަށް މިއަދު 100 އަހަރު ފުރިއްޖެއެވެ. ރޭޑިއޯ ސިލޯންގެ ބްރޯޑްކާސްޓިންގ ފަށާފައި ވަނީ، 16 ޑިސެމްބަރު 1925 ގައެވެ. ރޭޑިއޯ ސިލޯނަކީ، ދެކުނު އޭޝިއާ އާއި އިރުމަތީ އޭޝިއާގައި އެންމެ ފުރަތަމަ ބްރޯޑްކާސްޓް ކުރަން ފެށި ރޭޑިއޯ ސްޓޭޝަނެވެ، އެ ސްޓޭޝަންގެ އެންމެ ފުރަތަމަ ބްރޯޑްކާސްޓް ކުރިއަށްދިޔައީ ޝޯޓްވޭވް )އެސް.ޑަބްލިޔު(ފްރިކުއެންސީގައެވެ.

ޓްރަމްޕް ކޯޓަށް މައްސަލަ ހުށައަޅުއްވާފައި ވަނީ، 2021ވަނަ އަހަރުގެ ޖަނަވަރީ މަހުގެ 6ވަނަ ދުވަހު އޭނާއަށް ތާއީދުކުރާ މީހުންނާއި މުޚާޠަބުކުރައްވައި ދެއްކެވި ވާހަކަފުޅެއްގެ އަސްލު ގެއްލޭ ގޮތަށް ބީބީސީން އެޑިޓްކޮށްގެން ބްރޯޑްކާސްޓްކޮށްފައި ވާތީއެވެ. ރިޔާސީ އިންތިޚާބުގެ ބަލި ޤަބޫލު ނުކުރައްވައި، އެދުވަހު ޓްރަމްޕް ދެއްކެވި ވާހަކަފުޅުތަކާއި ގުޅިގެން އޭނާއަށް ތާއީދު ކުރާ ފަރާތްތަކުން، އެމެރިކާގެ ޤާނޫނު ހަދާމަޖިލީހުގެ ޢިމާރާތް ކެޕިޓޮލްއަށް ވަދެ ހަމަނުޖެހުންތައް ހިންގިއެވެ.

ގަވާއިދާ ޚިލާފަށް ހިންގާ ވިޔަފާރިތައް ބަލައިފާސްކުރުމުގެ އެންމެ ފަހުގެ އަދާހަމަ ހިއްސާކޮށް އެމިނިސްޓްރީން އާއްމުކޮށްފައިވާ ތަފާސް ހިސާބުގައި ބުނެފައި ވަނީ، ބަންދު ކުރެވުނު ވިޔަފާރި ތަކަކީ، 29 ނޮވެމްބަރު 2025 އިން 15 ޑިސެމްބަރު 2025ގެ ނިޔަލަށް ކުރިޔަށް ގެންދިޔަ ބަލައި ފާސްކުރުންތަކުގައި، ޤަވާއިދާއި ޚިލާފަށް ވިޔަފާރި ކުރަމުން އަންނަ ކަމަށް ފާހަގަކުރެވިފައިވާތީ ބަންދު ކުރި ވިޔަފާރިތައް ކަމަށެވެ. އެމިނިސްޓްރީން ވިދާޅުވީ ބަންދު ކުރެވުނު ވިޔަފާރިތަކުގެ ތެރެއިން، 25 ވިޔަފާރިއަކީ، އެމިނިސްޓްރީ އާއި ގުޅޭ ޤާނޫނުތަކާއި ޚިލާފުވެފައި ވާތީ، ބަންދު ކުރެވުނު ވިޔަފާރިތައް ކަމަށެވެ. އަދި އެހެނިހެން ޤާނޫނުތަކާއި ޚިލާފުވެގެން 12 ވިޔަފާރިއެއް ބަންދު ކުރެވުނު ކަމުގައިވެސް އެމިނިސްޓްރީން ވިދާޅުވިއެވެ.

ބާރުވަމުން އައި ވައިރޯޅިއާއެކު ގަސްތަކާއި ރުއްތަކުގެ ފަންތަކުގައި ވައިއަޅައި އިވެމުން އަންނަ ބޫންއަޑަށްވުރެ ރާރުއްތަކުގެ ފަންތަކުގައި އެކުލުވާފައިވާ، ބިއްލޫރި ފުޅިތައް އެކަތި އަނެކައްޗާ ޖެހޭއަޑުން އިވޭ އަޑު މާބާރެވެ. ވައިރޯޅީގެ ހަމަޔަށް ފަންތައް ލެނބެމުން ވިހުރުވެމުންދާއިރު މާހައުލުގައި ފުޅިތަކުގެ އަޑާއިއެކު ގުގުމަމުންދިޔައީ ހަމައެޅިފައިވާ މިޔުޒިކެއްގެއަޑެވެ. އެހެން ނަމަވެސް މޫސާ ސިއްސައިގެން ދިޔައީ އެއަޑުތަކާއި އެކުލަވައި އިވުނު ބާރުއަޑުފަށްގަނޑުގެ ސަބަބުންނެވެ. އަތުގައި އޮތް ކަންފަތި ދޫވެގެން ރުށްދޮށަށް ނުވެއްޓުނީ ކިރިޔާއެވެ. ރުކުގެ ފަނެއްގައި އެލުވާފައި ހުރި ބިއްލޫރިފުޅިތަކުގެ ތެރެއިން ފުޅިއެއް ތަޅައިގެން ދިޔައީއެވެ.