ރާއްޖެ

މިބަސްދީގަތުމުގައި ރައީސުލްޖުމްހޫރިއްޔާ ވަނީ، މޮރިޝަސްއަށް ވުރެ ބޮޑަށް ޗާގޯސްގެ ރަށްތައް ދިވެހިރާއްޖެއަށް ލިބެންޖެހޭ ގިނަ ސަބަބުތަކެއް ހުރިކަން ފާހަގަކުރައްވާފައެވެ. އެގޮތުން، ތާރިޚީގޮތުންނާއި ޖޯގްރަފީ ގޮތުން ދިވެހިރާއްޖެއާއި ފޯޅަވައްސާއި ދެމެދު އޮތް ގުޅުންތައް އެމަނިކުފާނު ވަނީ ފާހަގަކުރައްވާފައެވެ.

ދިވެހި ސަރުކާރުގެ ފަރާތުން މި އެއްބަސްވުމުގައި ސޮއިކުރެއްވީ މިނިސްޓަރ އޮފް ކޮންސްޓްރަކްޝަން، ހައުސިންގ އެންޑް އިންފްރާސްޓްރަކްޗަރ ޑރ. ޢަބްދުﷲ މުއްޠަލިބްއެވެ. އަދި ޗައިނާ ސަރުކާރުގެ ފަރާތުން ސޮއިކުރެއްވީ ޗައިނާއެމްބަސީގެ ކައުންސެލަރ ޒެންގް ޒޫ އެވެ.

ރައްޔިތުންގެ މަޖިލީހުގެ އިދާރާއިން ހާމަކުރައްވާފައިވާ ގޮތުގައި މަޖިލީހުގެ ރައީސްގެ މިދަތުރުފުޅަކީ، ސައުދީގެ ގާނޫނު ހަދާ މަޖިލިސް، ޝޫރާ ކައުންސިލްގެ ރައީސްގެ ދަޢުވަތަކަށް ކުރައްވާ ދަތުރުފުޅެކެވެ. މިދަތުރުފުޅު ނިންމަވާލެއްވުމަށް ފަހުމަގައި މަޖިލީހުގެ ރައީސް ޢަބްދުއްރަޙީމް މާލެ ވަޑައިގަންނަވާނީ، މިޖެނުއަރީ މަހުގެ 24 ވަނަ ދުވަހުގައި ކަމުގައިވެސް ރައްޔިތުންގެ މަޖިލީހުގެ އިދާރާއިން ވަނީ ހާމަކުރައްވާފައެވެ.

ޝިއުނާއަކީ، މިސަރުކާރުގެ ސިޔާސަތުތައް ޕްރޮމޯޓް ކުރުމުގައި އަމަލީ ގޮތުން މަސައްކަތް ކުރަމުން އަންނަ، އަދި އިދިކޮޅު ފަރާތްތަކަށް ފާޑު ކިޔައި ރައްދުދީ، ސޯޝަލް މީޑިއާގައި ވަރަށް އެކްޓިވްކޮށް އުޅޭ މީހެކެވެ. ކުރިން ނޫސްވެރިކަންވެސް ކޮށްފައިވާ ޝިއުނާ، އޭނާގެ ސޯޝަލް މީޑިއާ އެކައުންޓްތަކުގައި ކޮށްފައިވާ ޕޯސްޓުގައި ބުނެފައި ވަނީ، ސޯޝަލްމީޑިއާގައި ސިޔާސީ ބޭނުމަށް އޭނާއަށް ފުރައްސާރަކޮށް ޙިޖާބު ނުވާއިރުގެ ފޮޓޯތައް އާންމުކުރަމުންދާ މައްސަލައިގަ ޖަމީލުއާއި ދެކޮޅަށް ދަޢުވާކުރުމަށް އަދި ޙައްޤު ހޯދުމަށް ކަމާއި ބެހޭ އިދާރާތަކަށް ހުށަހަޅާފައިވާ ކަމަށެވެ. އެގޮތުން އެމައްސަލަތައް ދިވެހި ފުލުހުންގެ ޚިދުމަތަށާއި، އެޗްއާރްސީއެމްއަށް ހުށައަޅާފައިވާ ކަމުގައި އޭނާ ވަނީ ހާމަކޮށްފައެވެ.

ޝާކިރު އެމަޤާމަށް ހޮވާފައި ވަނީ، ހެރިޓޭޖް މިނިސްޓްރީގައި ބޭއްވި ދިވެހިބަހުގެ އެކަޑެމީގެ މެންބަރުންގެ ބައްދަލުވުމުގައި ނެގި ސިއްރު ވޯޓެއްގައެވެ. ކޮމިޓީން ޝާކިރު އެމަޤާމަށް ހޮވާފައި ވަނީ ކޮމިޓީ މެމްބަރުންގެ އިއްތިފާޤުންނެވެ. އޭނާ އެންމެފަހުން ހުންނެވީ، އިންފޮމޭޝަން ކޮމިޝަން )އައިކޮމް( ގެ ޑިރެކްޓާ ޖެނެރަލްގެ މަގާމުގައެވެ.

އެމްއެންޑީއެފުން ހާމަކުރައްވާފައިވާ ގޮތުގައި ގެއްލިގެން ހޯދަމުން ދިޔަ ދިވެހި މީހާގެ ހަށިގަނޑު ފެނުނީވެސް ތާޖް އެގްޒޯޓިކާ ރިޒޯޓުކައިރިން ކަނޑުމަތިންނެވެ. ނިޔާވެފައި އޮއްވައި ފެނުނު މީހަކީ، ބ. ހިތާދޫ، މުނިޔާ، އަލީ ހުސައިނެވެ. އޭނާއަކީ، ބަންޑުން ޖަހާލި "ބަލްމާ – 6" ބޯޓުގެ ކެޕްޓަނެވެ. މިރޭގެ ޢިޝާނަމާދަށް ފަހުގައި މާލޭ އާސަހަރާގައި އޭނާގެ ޖަނާޒާ ބާއްވައި ހަށިގަނޑު ވަނީ ވަޅުލާފައެވެ.

ރައީސުލްޖުމްހޫރިއްޔާގެ މެސެޖުގައި ވަނީ، ޚާލިދާ ޒިޔާ އަވަހާރަވުމަކީ، ބަނގުލަދޭޝްއަށް ލިބުނު ވަރަށް ބޮޑު ހިތާމައެއްކަން ފާހަގަކުރައްވާފައެވެ. ޚާލިދާ ޒިޔާއަކީ، ބަނގުލަދޭޝްގެ ފުރަތަމަ އަންހެން ބޮޑުވަޒީރެވެ. އުމުރުފުޅުން 80 އަހަރުފުޅުގައި އޭނާ އަވަހާރަވީ އިރު އެކަމަނާ ވަނީ މިއަންނަ ފެބުރުއަރީ މަހު ބާއްވާ އިންތިޚާބުގައި ވާދަކުރެއްވުމަށް ނިންމަވައި އެކަން އިޢުލާނު ކުރައްވާފައެވެ.

ފުލުހުންގެ އިދާރާއިން ވިދާޅުވީ، އެމީހުން ހައްޔަރުކޮށްފައި ވަނީ، ކައުންޓަރ ނާކޮޓިކްސް އިންޓެލިޖެންސަށް ލިބުނު މައުލޫމާތަކާ ގުޅިގެން، މި ޑިސެމްބަރުމަހުގެ28 ވަނަ ދުވަހު ހިންގި އޮޕަރޭޝަނެއްގައި ކަމަށެވެ. ކައުންޓަރ ނާކޮޓިކްސް އިންޓެލިޖެންސާއި ޑްރަގް އެންފޯސްމަންޓް ގުޅިގެން ހިންގި އޮޕަރޭޝަންގައި އެ މީހުން ހައްޔަރުކޮށް މާލެ، މާފަންނުގައި ހުރި ކެފޭއަކާއި ގެއެއް ބަލައިފާސްކޮށްފައި ވާއިރު އެތަންތަނުގެ ތެރެއިން ބަނގުރާކަމަށް ބެލެވޭ އެއްޗެއްހުރި 500އެމްއެލްގެ 21 ފުޅި ފެނިފައިވާކަމުގައިވެސް ފުލުހުންގެ އިދާރާއިން ވިދާޅުވެފައި ވެއެވެ.

މި ފަހުމުނާމާގައި ސޮއިކުރެއްވީ ކޮމިޝަނަރ އޮފް ޕޮލިސް އިސްމާޢީލް ނަވީންއެވެ. އެއަރޕޯޓްސް ކޮމްޕެނީގެ ފަރާތުން ސޮއިކުރެއްވީ އެ ކުންފުނީގެ ސީއީއޯ އަދި މެނޭޖިންގ ޑިރެކްޓަރ އިބްރާހީމް ޝަރީފް މުޙައްމަދެވެ.

ފުލުހުންގެ އިދާރާއިން ވިދާޅުވީ، ދޫކޮށްފައިވާ އުޅަނދުތައް ދޫކޮށްފައިވަނީ އުޅަނދުތައް ދޫކުރުމުގެ ކުރިން އުޅަނދުުގެ ވެރިފަރާތުން އެއްގަމު ދަތުރު ފަތުރުގެ ގާނޫނޫގެ ދަށުން ނުވަތަ އެގާނޫނުގެ ދަށުން ހެދިފައިވާ ގަވާއިދުތަކުގެ ދަށުން ދައްކަންޖެހޭ ޖޫރިމަނާއެއް އޮތްނަމަ، އެޖޫރިމަނާއެއް ބަލައިގަތުމަށް ކަނޑައަޅާފައިވާ އިދާރާއަށް ޖޫރިމަނާގެ ފައިސާ ދެއްކިކަމުގެ ލިޔުމާއި ރަޖިސްޓްރީކޮށްފައިވާ ޒޯނަށް ގެންދިއުމަށް ޔަގީންކުރާ ލިޔެކިޔުން ހުށަހަޅާފައިވޭތޯ ބެލުމަށްފަހުގައި ކަމަށެވެ.

ވިޒިޓް މޯލްޑިވްސް އިން ހާމަކޮށްފައިވާ ގޮތުގައި، "މޯލްޑިވްސް ކަލްޗާ އެންޑް ފުޑް ފެސްޓިވަލް" ނަމުގައި ކުރިޔަށް ގެންދާ ހަރަކާތްތައް މިއަދު ފަށާނީ ކުޑަ ކުދިންގެ ހަވީރަކުންނެވެ. މި ކުޑަކުދިންގެ ހަވީރު އޮންނާނީ ހަވީރު 4 އިން 6އަށް ހުޅުމާލޭ ސެންޓްރަލް ޕާކުގައެވެ.

ހުޅުމާލޭގައި އަލަށް އިމާރާތްކުރާ އެފޯޑަބަލް ހައުސިންގ ޔުނިޓްތަކުގެ އިމާރާތްކުރުމުގެ ދެ މަޝްރޫއުގެ މަސައްކަތް ހަވާލުކޮށްފައި ވަނީ، ޗައިނާގެ ދެ ކުންފުންޏަކާއެވެ. އެއީ ބެއިޖިން އަރބަން ކޮންސްޓްރަކްޝަން ގްރޫޕް )ބީޔޫސީޖީ( އާއި ޗައިނާ މެޝިނަރީ އިންޖީނިއަރިންގ ކޯޕަރޭޝަން )ސީއެމްއީސީ( އެވެ. މިދެ ކުންފުންޏަކީ މިހާރުވެސް ރާއްޖޭގައި އުމުރާނީ ތަރައްޤީގެ މަސައްކަތްތައް ކުރަމުން އަންނަ ދެ ކުންފުންޏެވެ.

ބްރޯޑްކާސްޓިންގ ކޮމިޝަނުން ހާމަކުރައްވާފައިވާ ގޮތުގައި، މީޑިއާތަކަށް މާލީ އެހީ ދިނުމަށް ހުޅުވާލި ފުރުޞަތުގައި އެކަމަށް އެދި 57 މީޑިއާ އަކުން ކުރިމަތި ލިއެވެ. އޭގެ ތެރެއިން މާލީ އެހީ ދިނުމުގެ ޝަރުޠުތައް ފުރިހަމަވާކަމަށް ކޮމިޝަނުން ނިންމާފައި ވަނީ 41 މީޑިއާއެކެވެ.

މިނިސްޓަރ ޑރ. މުއްޠަލިބު ވިދާޅުވީ، މިހާރު މަސައްކަތް ކުރިޔަށްދާ ގޮތަށް ބަލާއިރު، ކުރިން ކަނޑައަޅާފައި އޮތް ތާރީޚުތަކަށް މަސައްކަތްތައް ނިންމަން ދަތިވާނެ ކަމަށެވެ. އެހެންވެ އެމަސައްކަތް އަވަސް ކުރުމަށްޓަކައި އިންޑިއާ ސަރުކާރާއި، އަދި ބުރިޖު އެޅުމުގެ މަސައްކަތް ކުރަމުން އަންނަ ކުންފުންޏާއި އެކު މަޝްވަރާކޮށް، މަސައްކަތްތައް އަވަސްކުރެވޭނެ ގޮތެއް އޮތްތޯ ބެލުމުގެ މަސައްކަތް ސަރުކާރުން ކުރަމުން އަންނަ ކަމުގައި އެމަނިކުފާނު ވިދާޅުވިއެވެ. މިނިސްޓަރ މުއްޠަލިބު އިތުރަށް ވިދާޅުވީ، އެމަސައްކަތް ލަސްވެފައިވާ ސަބަބުތަކުގެ ތެރޭގައި މަސައްކަތް ނިންމުމަށް ކުރިން ދީފައިވާ މުއްދަތަށް 30 މަސް ދުވަސް އިތުރުކޮށްދީފައިވާއިރު އެމުއްދަތުގެ ތެރޭގައި އެކުންފުންޏަށް އިތުރަށް ފައިސާ ނުލިބޭގޮތަށް ހަމަޖައްސާފައި އޮތުމުން ކުންފުނީގެ ކޭޝްފްލޯ ދަތިވާކަމުގައި އެކުންފުނިން ފާހަގަކޮށްފައިވާ ކަމަށެވެ.

ރައީސުލްޖުމްހޫރިއްޔާގެ އޮފީހުން ހާމަކުރައްވާފައިވާ ގޮތުގައި، ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު، މިނިސްޓްރީ އޮފް ޑިފެންސްގެ ދަށުން ހިނގަމުންދާ "އޭވިއޭޝަން ސެކިއުރިޓީ ކޮމާންޑް"ގެ ނަން "އޭވިއޭޝަން އެންޑް ޕޯޓް ސެކިއުރިޓީ ކޮމާންޑް"ގެ ނަމަށް ބަދަލުކުރައްވާފައި ވަނީ މިއަދުއެވެ.

ރައީސުލްޖުމްހޫރިއްޔާގެ ޕޯސްޓުގައި ވިދާޅުވީ، ކުދި އަދި މެދު ފަންތީގެ ވިޔަފާރީގެ ދާއިރާގެ ވިޔަފާރިވެރިންނާއެކު 17 ޑިސެންބަރު 2025 ގައި ބޭއްވުނު ބައްދަލުވުމުގައި ވިޔަފާރިވެރިން ފާހަގަކުރެއްވި ކަންކަމުގެ އަލީގައި، އެ ދާއިރާ ކުރިއެރުވުމަށް މެނިފެސްޓޯގައި ކަނޑައަޅާފައިވާ ކަންކަމާއި ސަރުކާރުން އެ ދާއިރާއާއި ގުޅޭގޮތުން ކުރިޔަށް ގެންދާ އެކިކަންކަމުގެ ނަތީޖާ ހެޔޮގޮތުގައި ބައްޓަންކުރުމަށްޓަކައި، ކެބިނެޓުގައި މިދިޔަ ބުދަ ދުވަހު މަޝްވަރާކުރެވި ގިނަގުނަ ކަންތައްތަކެއް ވަނީ ނިންމާފައި ކަމަށެވެ. މިގޮތުން، ކުދި އަދި މެދު ފަންތީގެ ވިޔަފާރިވެރިންނާއެކު ބޭއްވި ބައްދަލުވުމުގައި އިޢުލާނު ކުރި ކަންކަމުގެ އިތުރުން، ކުރިޔަށް އޮތް 2 އަހަރު އިތުރު ފިޔަވަޅުތަކެއްވެސް ތަންފީޒު ކުރައްވާނެ ކަމުގައި އެމަނިކުފާނު ވިދާޅުވިއެވެ.

އެމްްއޭސީއެލްއިން ވިދާޅުވީ، މި ޑިސެމްބަރު މަހުގެ 28 ވަނަ ދުވަހަކީ މި އަހަރުގެ ތެރޭގައި އެންމެ ގިނަ ފަސިންޖަރުންނަށް އެއް ދުވަހެއްގައި ހިދުމަތް ދޭނެ ދެވަނަ ދުވަހަށް ވެގެންދާނެ ކަމަށެވެ. މިގޮތުން މިއަދު ވީއައިއޭގެ އިންޓަނޭޝަނަލް ޓާމިނަލުން 22،142 ފަސިންޖަރުންނަށް ހިދުމަތް ދޭއިރު، ޑޮމެސްޓިކް ޓާމިނަލުންވެސް މިއަދު ޖުމުލަ 4،843 ފަސިންޖަރުންނަށް ހިދުމަތް ދޭނެކަމުގައި އެކުންފުނިން ހާމަކުރައްވާފައި ވެއެވެ.

މި ދެމީހުންގެ ތެރެއިން އަޙްމަދު ޢަލީ ހައްޔަރުކޮށްފައިވަނީ 2025 ޑިސެންބަރު 26 ވަނަ ދުވަހު ކަމަށާއި އަދި މުޙައްމަދު ޢާދިލް ހައްޔަރުކޮށްފައިވަނީ 2025 ޑިސެންބަރު 27 ވަނަ ދުވަހު ކަމުގައި ފުލުހުންގެ އިދާރާއިން ވިދާޅުވިއެވެ. ފުލުހުންގެ އިދާރާއިން ވިދާޅުވީ، އެދެމީހުންގެ ބަންދާމެދު ގޮތެއް ނިންމުމަށް ކޯޓަށް ހާޒިރުކުރުމުން ވަނީ 5 ދުވަހަށް ބަންދުގައި ބޭތިއްބުމަށް ކޯޓުން އަމުރު ދީފައިވާކަމަށެވެ.

ސްރީލަންކާ ހައިކޮމިޝަންއިން ހާމަކޮށްފައިވާ ގޮތުގައި، މި އައިކޭމްޕް ކުރިޔަށް ގެންގޮސްފައި ވަނީ ދިވެހިރާއްޖޭގައި ފާހަގަކުރާ ޤައުމީ އެއްބައިވަންތަކަމުގެ ދުވަހާއިވެސް ގުޅުވައިގެން މި ޑިސެމްބަރު މަހުގެ 26 ވަނަ ދުވަހުގައެވެ. މިއައިކޭމްޕްގެ ތެރެއިން ސްރީލަންކާ ހައިކޮމިޝަނުން ވަނީ މާފުށީ ހެލްތު ސެންޓަރަށް ލޮލުގެ ފަރުވާއަށް ބޭނުންވާ ބައެއް ތަކެތިވެސް ހަދިޔާކޮށްފައެވެ.

ފުލުހުންގެ އިދާރާއިން ވިދާޅުވީ، އެ އޮފީހުން ވައްކަންކޮށްފައިވާކަން ފުލުހުންނަށް ރިޕޯޓްކޮށްފައި ވަނީ، 2025 ޑިސެންބަރު 28 ވަނަ ދުވަހުގެ 03:58 އެހާކަންހާއިރުގައި ކަމަށެވެ. ފުލުހުންގެ އިދާރާއިން ވިދާޅުވީ، އެ އޮފީހުން ވަގަށް ނަގާފައި ވަނި ކާގޯ ދެ ފޮށިގަނޑު ކަމަށެވެ. އެހެން ނަމަވެސް އެއީ ކޮންއެއްޗެއް ހުރި ފޮށިގަނޑުތަކެއް ކަމެއް އެނގިފައެއް ނުވެއެވެ.