ވާހަކަ

ޑޮކްޓަރުންނަށް އިބްރާހީމް ވިސްނަނީ ކޮންކަމަކާއި މެދުގައިކަން ނޭނގުނަސް އޭނާ ވިސްނާކަން އެނގެއެވެ. އެހެންކަމުން މާބޮޑަށް ފިކުރު ބޮޑު ނުކުރުމަށް ބުނެއެވެ. އެކަމަކު އިބްރާހީމްއަށް ދިމާވެފައިވާ ގޮތް އެމީހުންނަށް ހާމަވާނެނަމަ އިންސާނަކަށް ވިސްނައި ފިކުރު ނުކޮށް ނުހުރެވޭނެކަން އެމީހުންނަށްވެސް ޤަބޫލު ކުރެވުނީހެވެ.

އިބްރާހިމް ގެއިން ނުކުތެވެ. ނިޔާޒްގެ ހާލެއް ނުބަލައި އޭނާއަކަށް ނުހުރެވޭނެއެވެ. އެއީ އޭނާގެ ހަމައެކަނި މިދުނިޔޭގެ ރަހުމަތްތެރިއެއް ނޫނެވެ. ދެދުނިޔޭގެވެސް ރަހުމަތްތެރިއަކަށްވުން އެދޭ މީހެކެވެ. ނިޔާޒް އޭނާއަށްވެދިން އެހީތެރިކަމާއި ކޮށްދިންހާ ހެޔޮކަމުގައި ބަދަލުގެ އަގަކީ އޭނާއަށް އަދާކުރެވޭނެ އެއްޗެއް ނޫނެވެ.

އޭނާވެސް ދެލޯ ހުޅުވާލީ އިރުގަނޑެއް ފަހުންނެވެ. ރޭޑިއޯ ސެޓުން ޕައިލެޓް ހަމްދުއެޅި އަޑު އިވުމުންނެވެ. އޭރު ބޯޓު އޮތީ ރަންވޭގެ ނިމޭކޮޅުގައި މަޑުވެފައެވެ. ފަޔާލޮރީތަކުން ފެންޖަހަމުން ގެންދެއެވެ. އެއްވެސް މީހަކަށް އަދި ބޯޓަށްވެސް މާބޮޑު ގެއްލުމެއް ނުވެ ސަލާމަތްވީއެވެ.

އޭނާ ކިޔައިދިނީ އެހިތި މާޒީއެވެ. ޒަރީނާއަކީ ޅަދުވަހުގެ ލޯބިވެރިން ކަމުގައެވެ. އެލޯބީގެ ދީވާނާކަމުގައި އެމީހުންނަށް ގޯހެން ހެދުނީއެވެ. އޭނާ ކޯހެއްގައި ފުރައިގެން ދާންޖެހުނު އިރު ޒަރީނާ ބަލިވެ އިންކަމެއް ނޭނގެއެވެ. އަހަރު ދުވަސްފަހުން އޭނާ އެނބުރި އައިރު، ހޮސްޕިޓަލަށް ނުގެންގޮސް ގޭގައި ވިއްސުމުން ލިބުނު އަނިޔާގައި ޒަރީނާ އޮތީ ޕެރަލައިޒްވެފައެވެ. ވިހޭކުއްޖާ ޒަރީނާއަށްވެސް ނުދައްކައި ގޮނޑަށް އެއްލާލީ ކުއްޖާގެ މާމައެވެ. ދުނިޔޭގެ ލަދުން ސަލާމަތްވާށެވެ.

"އޭ ކައުނުގެ ވެރި އިލާހެވެ. އަޅުގެ ކުށެއް ނުވާކަމުގެ މައްޗަށް ހެކިވެ ވޮޑިގަންނަވާށިއެވެ" އެހެނީ ފަޒީނާ މަރުވުމަށްފަހު ދެން ހަޤީޤަތް ހާމަކޮށް އޭނާ ބަދުނާމު ކުރާކަށް ޝަބީނެއް ނޭދެއެވެ. ހިތާމައެއް ފިޔަވައި ލިބޭނެ އިތުރު އެއްޗެއް ނެތުމާއިވެސް އެކުގައެވެ.

"ކީއްކުރަން މިއަދު ޑޮކްޓަރަށް ދައްކަން ދިޔައީ، މަށަށް އަންގާވެސް ނުލާ" ޝަކުވާގެ ރާގަކަށް ޝަބީން ބުންޏެވެ. ފަޒީނާއަށް އަނެއްކާވެސް ތެޅިގަނެވުނެވެ. ޝަބީންއަށް އެނގުނީ ކިހިނެއްބާވައެވެ. ފަޒީނާ އައީ އެވާހަކަތައް ޝަބީންއަށް ނޭންގުމަށް ޑޮކްޓަރުގާތުގައި އެދިފައެވެ. ރަނގަޅުވަގުތެއްގައި ޝަބީނަށް ހަޤީޤަތް ހާމަކޮށް ދޭނެކަމަށް ވަޢުދުވެފައެވެ.

ޝަފީޤު މަރުވިތާ މަހެއްހާ ދުވަސްވީއިރު އޭނާގެ ހަށިގަނޑު ފަރުގެ އުރަފަށުގައި އޮވެ ފަނާވެ ދިޔައިރު އެކަން އެއްވެސް މީހަކަށް ނޭނގުނެވެ. އޭނާގެ ދަރީންނަށްވެސް މެއެވެ. އެކަމަކު ކޮންމެވެސް ދުވަހަކުން އޭނާއަށް ވީ ކިހިނެއްތޯ ކޮންމެވެސް ބަޔަކު ސުވާލު ކުރާނެއެވެ. ހޯދާނެއެވެ. އެކަމަކު އެއިން އެކަކަށްވެސް ކަށަވަރުކޮށް އެއްޗެއް ބުނަން ނޭނގޭނެކަން ޔަޤީނެވެ.

މައްސަލަ ގަނޑުގެ ހުޅުފެޅީ ގޭތެރޭގައި ކުދިންގެ މައްސަލައެއްގައި ބޮޑުބޭބެގެ އަންހެނުންނަށް އެގެއިން ނުކުތުމަށް ޒަރީނާ އެންގި ހިސާބުންނެވެ. ބޮޑުބޭބެ ޒަރީނާއާއި ޝަފީޤު ދެވީވެސް އެގޯތީގެ ދަހިވެތިކަމުގައިކަން ޝަފީޤަށް އެނގުނީވެސް އެދުވަހުއެވެ. ޒަރީނާ އެވާހަކަތައް ކިޔައި ދިނުމުންނެވެ. އެދުވަހަށްފަހުގައި ބޮޑުބޭބެގެ އަންހެނުން އައީ ޝަފީޤަށް ބޮނޑިއެއް ދެވޭނޭ ހުރިހާ މަގެއް ހޯދަމުންނެވެ. ޒަރީނާއާއި ޝަފީޤު ވަކިކޮށްލެވޭނޭ ގޮތެއް ހޯދަމުންނެވެ. ފަންޑިތަ ހަދާމީހުން ލައްވައި އިސްތިރި ވަރިތޮޅިވެސް ހައްދަމުންނެވެ. އެކަމަކު އެއިން ކަމަކުން ވީ ފައިދާއެއް ނެތެވެ.

ދުވަސްވެ ރޫޖެހިފައިވާ މޫނާއި ވަޅުވަދެފައިވާ ދެލޮލާއި، ދަތިދަތިކޮށް ލަމުންދާ ނޭވާތަކުން ބުނެދެނީ ވަކިވުމުގެ ވަގުތު ގާތްވަމުން އަންނަނީ ކަމަށެވެ. އިހު ލޯބިން އުޅުނު ޒުވާން އުމުރު ފަހަތަށް އޮބައި ހިނގައްޖެ ކަމަށެވެ. ބީފާނާއި ރަޙްމާނު އެކުގައި ޙަޔާތްވޭތު ކުރާތާ ފަސްދޮޅަހަކަށް އަހަރުވެއްޖެއެވެ. ބުރަ މަސައްކަތާއި ދަތި ދިރިއުޅުމެއްގައި ދެމީހުންވެސް މާ އަވަހަށް މުސްކުޅި ވެއްޖެއެވެ.

ރީނާ އާއި ނަސީމް އަކީ، ސުނާމީ ކާރިސާ އަށްފަހު ގަމަށް ދިރިއުޅުން ބަދަލުކުރި ދެމީހުންނެވެ. ރީނާއަކީ ނަރުހެކެވެ. ނަސީމް އަކީ ޓީޗަރެކެވެ. އެދެމީހުން ގަމުގައި ދިރިއުޅެމުން ދިޔައީ ސުނާމީއާއި ގުޅިގެން އިމާރާތްކޮށް އެރަށަށް ހިޖުރަކުރި މީހުންނަށް ސަރުކާރުން ދޫކުރި ގެތަކުން ގެއެއްގައެވެ. ދަރިއަކު ނެތުމާއި އެކުވެސް އޭރު އެދެމަފިރިން ވޭތުކުރަމުން ދިޔައީވެސް ހަނީ މޫންފަދަ އުފާވެރި ދުވަސްތަކެކެވެ.

ބުރުނީގައި ތިބި ސާމިޔާގެ މައިންބަފައިންނަށް އޭނާގެ ހާލު އަންގައިފި ކަމަށާއި އެމީހުންގެ ބަހަކީ، މަރުވިޔަސް މޫނުވެސް ދެކިލަން ނުދާނަމޭ ކަމުގައި މޫސާ ކަތީބު ބުނުމުން ސަމީރާއަށް ހިންދިރުނެވެ. އަދި މޫސާ ކަތީބަށް މަޑުން ވާހަކަދެއްކުމަށް އަަތުން އިޝާރާތްކޮށްފައި ސަމީރާ ކޮޓަރީގެ ދޮރުން ބޯދީ އެތެރެ ބަލާލިއެވެ. ސަމީރާ ބަލާލިތަން ފެނުމާއި އެކު ސާމިޔާ އަނެއް ފަރާތަށް މޫނު އަނބުރާލައިފިއެވެ.

ދަރިފުޅު ލިބުމާއި އެކު ނިޒާމްގެ މަސައްކަތްވީ އިތުރެވެ. ޝާއިރާގެ ކަންނެތްކަން ވީ ބޮޑެވެ. ހައްދަވައިގެން އަތުން ފައިން ކަމެއް ނުކުރާތާނގައި ދަރިފުޅަށް ބުއްދޭންވެސް އޭނާ ބޭނުން ނުވަނީ އެވެ. އޭނާގެ ރީތިކަން ގެއްލިދާނެތީއެވެ. ސިފަ ހުތުރުވެދާނެތީއެވެ. އެކަމަކު އަންހެނަކު އެންމެ ރީތިވަނީ އަލަތު ދަރިފުޅު ލިބުމަށްފަހުގައި ކަމެއް ޝާއިރާއަކަށް ނޭނގެއެވެ. އެނގޭނީވެސް އޭނާ އެއްޗެއް ކިޔައި ބަލައި ދަސްކުރާނަމަ ތާއެވެ.

އުޑުމަތި ސާފު ރީތި ދުވަހެއްގެ ހެނދުނެވެ. އުތުރު ފަރާތުން މަޑުމަޑުން ރޯޅިވެލައެވެ. ވައިރޯޅިއާއެކު ރާރުއްތަކުގެ ފަންތައް ހެލިލާ ހެލިލުމާއެކު، އެރުއްތަކުގެ ފަންތަކުގައި އެލުވާފައިވާ ބިއްލޫރި ފުޅިތައް އެކަތި އަނެކައްޗާއި ޖެހޭ އަޑުން މާހައުލުގައި އުފައްދާފައި ވަނީ މިޔުޒިކެއްގެ އަޑެވެ. އެ އުފާވެރި މާހައުލަށް އިތުރު ފުރިހަމަކަމެއް ގެނެސްދެނީ ގޮނޑުދޮށުގައި ކުޅެން އުޅޭ ފައިނދޭ ފުރާގެ ތުއްތު ކުދީންތަކެވެ. އެއްކުއްޖަކު އަނެއްކުއްޖަކަށް އަތުނުވާން ދުވާ ދުވުމާއި ގޮނޑުދޮށުގައި ފުމެ ކުޅެ އުޅޭ ގޮތުން އެމަންޒަރުން ފެނުނު ކޮންމެ މީހަކަށްވެސް އުފާވެރިކަން ލިބޭނެއެވެ.

ނާޒްނީންއަށް އަންނަ އަހަރު މިމުބާރާތުގައި ފުރުސަތު ހޯދައިދޭން އަހަރެން އަޒުމު ކަނޑައެޅީމެވެ. އަހަރެންނަށްވެސް ބައިވެރިވެވުނު އެކުށުގެ ކައްފާރާއަކަށް އެމިންވަރު ފުދޭނެ ކަމުގައި އެދިގެންނެވެ. އަދި ނާޒްނީންގެ ދަރިފުޅަށް އެހީއެއް ވެދެވޭނެ ގޮތަކާއި މެދު ވިސްނަމުންނެވެ. އެކަމަކު އެވަރުގެ އެހީއެއްދޭނީ ކާކުހެއްޔެވެ؟ ފުދި އިތުރުވެގެން އުޅޭ މީހަކު ނޫޅެއެވެ. ކޮންމެ މީހަކުވެސް އުޅެނީ ލިބޭވަރު މަދުވެގެންނެވެ.

އެއަޑު އިވިފައި އެތެރެ ގޭތެރޭގެ އެނދުގައި ދެލޯމެރިމެރި އޮތް ކަތްދަގެ ދެލޯ ދިޔައީ ބޮޑުވެގެންނެވެ. ކަންފަތް ދިޔައީ ކޮޅަށް ޖެހިގެންނެވެ. އޭނާގެ ނިދި ކުއްލިއަކަށް ގެއްލިއްޖެއެވެ. މީހާ ހުއްޓުން އަރައިފިއެވެ. އެކަމަކު އެކަމެއް ބޭރު ގޭތެރޭގައި ތިބި މީހުންނަކަށް ނޭނގެއެވެ.

އޭނާއަށް ފެންނަމުން ދިޔައީ ވަށައިގެންވާ ހުރިހާ މަންޒަރެއްވެސް ހުއްޓިފައިވާތީއެވެ. އެތައް އިރެއްފަހުން ޒީނާ ހިނގައިގަތެވެ. އަމިއްލަ ނަފުސާއި މެދު ހިތާމަކުރަމުންނެވެ. ލިބުނު އެންމެ ފަހުގެ ފުރުސަތުގެ ބޭނުންވެސް ނުކުރެވި، ފާފަތަކާއި އެކު އަދި މައާފް ނުލިބުނު ހާލުގައި ކަލާނގެ ހަޟުރަތަށް އޭނާވެސް އެނބުރިދާންޖެހޭނެ ކަމުގެ ހިތާމަކުރަމުންނެވެ.

"ޔާ ﷲ. މިއަޅާގެ ދަރިފުޅު ދުނިޔެއަށް އުފަން ނުވަނީސް ޔަތީމަކު ކަމުގައި ލައްވަނީތޯއެވެ؟" ދިރިހުރުމުގެ އުއްމީދު ގެއްލިފައިވާ މޫސަގެ ދުލުން ނުކުތީ އެ ފަރިޔާދެވެ. މެރެމުން ދިޔަ ދެލޮލުގެ ފުސްވަމުން ދިޔަ ނަޒަރުގެ ތެރެއިން މާދުރުން ގޮނޑުދޮށުން މޫސައަށް އަލިކަމެއް ފެނުނެވެ. އެކަމަކު އޭރު މޫސަ ދިޔައީ އެ ގޮނޑުދޮށުގައި އެހިމޭންކަމުގައި އެކަނިވެރިކަމާއި އެކު އޮވެ އޭނާގެ ޙަޔާތުގެ ފަހު ނޭވާތައް ގުނަމުންނެވެ.

ނަގޫރޯޅީގެ އެނބުރެމުން ދިޔަ ގަދަ ވަޔާއެކު އުވައިން ރާނާ، ދަގަޑު ޓިނުން ހިޔާކޮށްފައި ހުރި އެގޭގެ ފުރާޅު މަތިވަޑާންގަނޑާއެކު ލުހިގެން ދިޔައީ އެވަގުތުއެވެ. ފައިދޮށުގައި އެލުވާފައި އޮތް ކަތްދަ ހިފަހައްޓައިގެން އޮތް ސުތުލި ވަލުން އޭނާ އަތްދޫކޮށް ނުލި ނަމަ މަތިވަޑާންގަނޑާއެކު ރޯޅީގައި އޭނާވެސް ގެންދިޔައީހެވެ.

ދޮންއައިސަ މޫސަ އާއި ދިމާއަށް ދިއްކޮލީ އަތެވެ. މޫސަ ދޮންއައިސަގެ އަތުގައި ހިފީ އޭނާ ނަގާށޭ ބުނީކަމަށް ހީކޮށްފައެވެ. އެކަމަކު ނުވިސްނައި ހުއްޓައި ދޮން އައިސަގެ އަތުގައި މޫސަ ހިފުމުން އޭނާ އަތް ގާތަށް ދަމައިގަތުމާއިއެކު އުއްޑުން އޮތް ދޮންއައިސަގެ ގައިމައްޗަށް މޫސަވެސް ވެއްޓުނީ މޫނު ވަތަށެވެ. އެއަށްފަހު އެދެމެދުގައި ހިނގައި ދިޔައީ ހިމޭންކަމުގެ ވަގުތުކޮޅެކެވެ. ކުރެވެނީ ކީއްކަން ނޭނގޭ ކަންތައްތަކެއްގެ ވަގުތުކޮޅެކެވެ.

ދޮންއައިސަ ދެބުމަގޮށްޖަހާލިއެވެ. މަންމަ ދަލޭކާގެ ލިބާހުގެ ފަސްބައިގައި ހިފައިގެން ހުރި ތަނުން ދޫކޮށްލިއެވެ. އަދި އެއްގަމަށް ޖެހިލައި ދެފަސް ބެދޭ ހިސާބު ފަސްގަނޑުމަތީގައި ވެއްޓިފައި އޮތް ރުކުގެ ކަނދު ބުޑު މަތީގައި އިށީނެވެ. ރާޅު ޖަހާފަށުގައި އިށީނދެ ހައްވަ އާއި ދަލޭކަ ދައިތަ ތެލިތައް ދޮންނަށް ފެށިއެވެ. ބޯށިގަހުގެ ނިވަލުން ނުކުމެ މޫސަ މަޑުމަޑުން ހިނގައިގަތީ، ދޮން އައިސަ އިށީނދެ އިން ރުކާއި ދިމާއަށެވެ. ދޮންއައިސަގެ ފުރަގަހުން އައިސް މޫސަ މަޑުކޮށްލި އިރު ދޮންއައިސައަކަށް އެކަމެއް ނޭނގެއެވެ. ދޮން އައިސަ އިނީ ހިމަ މަގޫ ދަނޑިކޮޅަކުން ފަސްގަނޑުގައި ރޮނގުތަކެއް އަޅާށެވެ.