މުޅި ރާއްޖެއަށް އުދަ އަރާނެ ކަމަށް ލަފާކޮށް ވައިޓް އެލާޓް ނެރެފި

މިއަދު މުޅި ރާއްޖެއަށް އުދައަޜާނެ ކަމަށް ލަފާކޮށް، މޫސުމާއި ބެހޭ ޤައުމީ އިދާރާއިން ވައިޓް އެލާޓް ނެރެފިއެވެ.

މޫސުމާއި ބެހޭ ޤައުމީ އިދާރާއިން ވައިޓް އެލާޓް ނެރެފައި ވަނީ މިއަދު، ހެނދުނު 10:30 އިން ފެށިގެން މެންދުރުަފަހު 15:00 އާއި ހަމައަށެވެ.

މޫސުމާއި ބެހޭ ޤައުމީ އިދާރާއިން ހާމަކޮށްފައިވާ ގޮތުގައި، މިއަދު ދިޔަވަރު އެންމެ ބޮޑުވާނީ، ރާއްޖޭގެ ދެކުނުގެ އަތޮޅުތަކަށެވެ. ލ އަތޮޅުން ފެށިގެން ދެކުނުގެ އަތޮޅުތަކަށް މިއަދު، 2.6 ފޫޓަށް ދިޔަވަރު ބޮޑުވާނެއެވެ. ދެކުނުގެ އަތޮޅުތަކަށް މިއަދު ދިޔަވަރު އެންމެ ބޮޑުވާނީ މެންދުރުފަހު 1:14 ގައެވެ. މާލެ ސަރަހައްދަށް، މިއަދު އެންމެ ދިޔަވަރު ބޮޑުވާނީ، މެންދުރުފަހު 12:35 ގައެވެ. މިއަދު 2.3 ފޫޓަށް ދިޔަވަރު ބޮޑުވާއިރު، މިއަދު އިއްޔެއަށްވުރެ ބޮޑަށް މާލެސަރަހައްދަށް އުދައެރުމުގެ ފުރުސަތު އެބައޮތެވެ.

އިއްޔެވެސް މާލެއަށް ވަނީ ވަރަށް ބޮޑަށް އުދަ އަރާފައެވެ.