ފޭސް 2ގައި ހިނގި އެކްސިޑެންޓްގައި އަނިޔާވި 62 އަހަރުގެ މީހާ ނިޔާވެއްޖެ

މިދިޔަ މަހުގެ 31 ވަނަ ދުވަހު ހުޅުމާލެ ފޭސް 2 ގައި ހިނގި އެކްސިޑެންޓްގައި އަނިޔާވި ދެބަފައިންގެ ތެރެއިން، ބައްޕަ އެކްސިޑެންޓް ހިނގިތާ 15 ދުވަސް ފަހުން ރޭ ނިޔާވެއްޖެއެވެ.

އެކްސިޑެންޓާއި ގުޅިގެން ސީރިއަސް ޒަޚަމްތަކެއް ލިބި ޓްރީޓޮޕް ހޮސްޕިޓަލުގައި ފަރުވާދެމުން ދަނިކޮށް ނިޔާވެފައި ވަނީ، ޅ. ކުރެންދޫ، މާޖެހިގޭ، މުޙައްމަދު އަފީފު (62އ)އެވެ.

އޭނާ ނިޔާވާން މެދުވެރިވި އެކްސިޑެންޓް ހިނގާފައި ވަނީ، 2026 އޮގަސްޓް 31 ވަނަ ދުވަހުގެ ހެނދުނު 07:36 އެހައިކންހާއިރު، ހުޅުމާލެ ފޭސް 2 ގެ ދުނބުރިގަސްމަގާއި ހީނާމާހިނގުން ގުޅޭ ކަންމަތީގައިއެވެ. އެކްސިޑެންޓް ހިނގީ އޭނާ ދުއްވި ސައިކަލާއި ކާރެއް ޖެހިގެންނެވެ. އެ އެކްސިޑެންޓްގައި އަފީފުގެ ސައިކަލުގެ ފަހަތުގައި އިން އޭނާގެ 24 އަހަރުގެ ދަރިފުޅަށްވެސް އަނިޔާވިއެވެ.

އެކްސިޑެންޓްގައި އަފީފުގެ ސިކުނޑީގެ ކަނާތް ފަރާތަށް ލޭއެޅިފައިވުމާ ގުޅިގެން 2026 އޯގަސްޓް 31 ވަނަ ދުވަހު ވަނީ ބޮލުގެ އޮޕަރޭޝަނެއްވެސް ކުރިއެވެ.

އަފީފުގެ ޖަނާޒާ އޮންނާނީ މިއަދު ހުޅުމާލެ ސަހަރާގައެވެ. އަފީފުގެ މައްޗަށް ކަށުނަމާދު ކުރުން އޮންނާނީ، މިއަދުގެ މެންދުރު ނަމާދަށް ފަހުގައި، ހުޅުމާލެ ސަހަރާ މިސްކިތް، މަސްޖިދު ޒައިދު ބިން ޘާބިތުގައެވެ.

އަފީފަކީ، ތަޢުލީމީ ދާއިރާގައި ދިގު މުއްދަތެއްވާންދެން ޚިދުމަތް ކުރައްވާފައިވާ ބޭފުޅެކެވެ.