ހަތަރު ގަޑިއިރަށް މާދަމާ ދުވާފަރުން ކަރަންޓް ކަނޑާލަނީ

ދުވާފަރުގެ ޕަވަރ ސިސްޓަމްގެ އަޕްގުރޭޑިންގް މަސައްކަތެއް ކުރުމަށް ހަތަރުގަޑިއިރަށް މާދަމާ އެރަށުން ކަރަންޓްގެ ޚިދުމަތް މެދު ކަނޑާލާނެ ކަމުގައި އެމްޑަބުލިޔުއެސްސީން ހާމަކޮށްފިއެވެ.

އެކުންފުނިން އާއްމުކޮށްފައިވާ ނޯޓިސްގައި ބުނެފައި ވަނީ، 23 އޮގަސްޓް 2026 ވާ އާދީއްތަ ދުވަހު 13:00 އިިން 17:00 އަށް މުޅި ރަށުން ކަރަންޓުގެ ޚިދުމަތް މެދުކަނޑާލެވޭނެކަމަށެވެ. ދުވާފަރުގައި ފެނާއި ކަރަންޓާއި ނަރުދަމާގެ ޚިދުމަތްދޭ އެމްޑަބްލިއުއެސްސީ އިން މިއަދު ނެރެފައިވާ ނޯޓިސްގައި ބުނެފައި ވަނީ އެކަމުގެ ސަބަބުން ކަސްޓަމަރުންނަށް ދިމާވެދާނެ ދަތިތަކަށް މަޢާފަށްއެދޭ ކަމަށެވެ.

ރ ދުވާފަރަކީ، ސުނާމީ ކާރިސާ އާއި ގުޅިގެން، ރ. އަތޮޅުން އެންމެ ބޮޑެތި ގެއްލުންތައް ލިބުނު، ކަނދޮޅުދޫ މީހުން އާބާދުކޮށްފައިވާ ރަށެވެ.