އީގަލް ހިލްސްއާ އެކު ރަސްމާލެ ތަރައްޤީކުރަން 20 ބިލިއަން ޑޮލަރުގެ އެއްބަސްވުމެއްގައި ސޮއިކޮށްފި

ޔުނައިޓެޑް އަރަބް އެމިރޭޓްސް (ޔޫއޭއީ)ގެ އެންމެ މަޝްހޫރު އެއް ކުންފުނި ކަމަށްވާ އީގަލް ހިލްސްއާ އެކު ރަސްމާލެ ތަރައްޤީކުރުމުގެ 20 ބިލިއަން ރުފިޔާގެ މަޝްރޫޢެއްގައި ސަރުކާރުން މިއަދު ސޮއިކޮށްފިއެވެ.

މިއެއްބަސްވުމުގައި ދިވެހި ސަރުކާރުގެ ފަރާތުން ސޮއިކުރެއްވީ، ހައުސިން މިނިސްޓަރު ޑރ. އަބްދުﷲ މުއްތަލިބެވެ. އީގަލް ހިލްސް ފަރާތުން އެއްބަސްވުމުގައި ސޮއިކުރެއްވީ ޗެއާމަން މުަހައްމަދު އަލައްބާރު އެވެ. މިއެއްބަސްވުމުގައި ސޮއިކޮށްފައި ވަނީ މިއަދުއެވެ.

މިކަމާއި ގުޅޭ ގޮތުން، ހައުސިން މިނިސްޓްރީ އާއި ޔޫއޭއީގެ އީގަލްސް ހިލްސްއިން ގުޅިފައިވާ ނޫސްބަޔާނެއް ނެރުނު ނަމަވެސް އެބަޔާނުގައި، މަޝްރޫޢާގުޅޭ ތަފްސީލްތައް ހިމަނާފައެއް ނުވެއެވެ.

ސަރުކާރުން ފާހަގަކޮށްފައިވާ ގޮތުގައި، އެ މަޝްރޫޢަކީ، ރަސްމާލޭގައި މެރީނާއެއް ތަރައްގީކޮށް ހިންގުމަށް ކުރިޔަށް ގެންދާ މަޝްރޫއެކެވެ. އެ އިންވެސްޓްމެންޓްގެ އަގަކީ 20 ބިލިއަން ޑޮލަރު ކަމުގައި ސަރުކާރުން ހާމަކޮށްފައިވާ އިރު، އެއީ ރާއްޖޭގެ ޖީޑީޕީއަށް ވުރެވެސް ދެ ގުނަ ބޮޑު އަދަދެކެވެ. ރާއްޖޭގެ ޖުމުލަ ޖީޑީޕީއަކީ 8 ބިލިއަން ޑޮލަރެވެ.