ދެ އަންހެންދަރިން ގެނބެނިކޮށް ސަލާމަތްކުރުމުގެ ތެރޭގައި ހާލު ދެރަވެ ނިޔާވި ޙަބީބުގެ ޖަނާޒާ ބާއްވައިފި

ދެ އަންހެންދަރިން ގެނބެނިކޮށް ސަލާމަތްކުރުމުގެ ތެރޭގައި ހާލު ދެރަވެ ނިޔާވި އެދެ ކުދިންގެ ބައްޕަ ޙުސައިން ޙަބީބުގެ ޖަނާޒާ މާލޭ އާސަހަރާގައި، ފަތިސް ނަމާދަށް ފަހު ބާއްވައިފިއެވެ.

މިޖަނާޒާގައި ގިނަ ބަޔަކު ބައިވެރިވިއެވެ.

އުމުރުން 63 އަހަރުގެ ޙުސައިން ޙަބީބު ނިޔާވީ، ހުކުރު ދުވަހު މެންދުރުފަހު، ދަރިންނާއި އަންހެނުންނާއި އެކު، ވ. ފުލިދޫއަށް ޗުއްޓީއަށް ގޮސް މޫދަށް އެރި އުޅުމުގެ ތެރޭގައި ހިނގި ހާދިސާއެއްގައެވެ. އެހާދިސާ ހިނގި އިރު އެސަރަހައްދުގައި ތިބީވެސް އެއާއިލާގެ މީހުން އެކަނިކަން އެނގިފައިވެއެވެ.

ފުލުހުންގެ އިދާރާއިން ވިދާޅުވީ، ފުލުހުންނަށް އެހާދިސާ ރިޕޯޓްކޮށްފައި ވަނީ އިއްޔެގެ 15:10 ހާއިރު ކަމަށެވެ.

މިހާދިސާ އާއި ގުޅިގެން ބަލަންޖެހޭ ކަންކަން ބަލައި ތަޙްޤީޤުކުރަމުންދާ ކަމުގައި ފުލުހުންގެ އިދާރާއިން ވަނީ ވިދާޅުވެފައެވެ.