އަލިފާނުގެ ހާދިސާގައި އެކަކަށް އަނިޔާވި

އައްޑޫ ސިޓީ ފޭދޫ ބަނދަރު ބޭރުގައި އަޅާފައިއޮތް ޑައިވިންގ ދޯނެޏެއްގައި އަލިފާން ރޯވެ އަނދައިގެން ދިޔަ ހާދިސާގައި، އެކަކަށް އަނިޔާވެފައިވާ ކަމުގައި އެމްއެންޑީއެފުން ވިދާޅުވެއްޖެއެވެ،

އެމްއެންޑީއެފުން ވިދާޅުވީ، މި ހާދިސާގައި އެކެއްގެ ފައި ފިހިގެން އައްޑޫ ސިޓީ ފޭދޫ ސިއްހީ މަރުކަޒުގައި ފަރުވާ ދިނުމަށްފަހު މިހާރު ވަނީ ދޫކޮށްލާފައިވާ ކަމަށެވެ. އޭނާގެ އިތުރުން އެހެން މީހަކަށް އަނިޔާއެއް ވެފައި ނަުވާ ކަމަށާއި، އަލިފާނުގެ ހާދިސާ ހިނގި އިރު، ޑައިވިންގ ދޯނީގައި ތިބި މީހުން ވަނީ ދޯނި ކައިރީގައި އޮތް ސަފާރީއަށް އަރާފައި ކަމުގައިވެސް އެމްއެންޑީއެފުން ވިދާޅުވިއެވެ.

އެމްއެންޑީއެފުން ވިދާޅުވީ، އަލިފާނުގެ ހާދިސާގެ މައުލޫމާތު، އެމްއެންޑީއެފަށް ރިޕޯޓްކޮށްފައި ވަނީ، މިއަދު 13:30 ހާއިރުގައި ކަމަށެވެ. އަދި އަލިފާން ނިއްވުމުގެ މަސައްކަތް ކުރަމުން ދަނިކޮށް މިއަދު 15:30 ހާއިރު ދޯނި ވަނީ އަޑިއަށް ގޮސްފައިވާ ކަމުގައިވެސް އެމްއެންޑީއެފުން ވިދާޅުވިއެވެ.