ގުރުއަތުނަގައި ކެންޑިޑޭޓް ނަމްބަރު ތަރުތީބުކޮށްފި

ކައުންސިލް އިންތިޚާބާއި އަންހެނުންގެ ތަރައްޤީއަށް މަސައްކަތް ކުރާ ކޮމިޓީތަކުގެ އިންތިޚާބުގައި ވާދަކުރާ ފަރާތްތަކުގެ މެދުގައި ގުރުއަތު ނަގައި ކެންޑިޑޭޓް ނަމްބަރު ތަރުތީބުކޮށްފިއެވެ.

ކެންޑިޑޭޓުންގެ މެދުގައި ގުރުއަތުން ނެގުން ބާއްވާފައި ވަނީ، މިއަދު ހެނދުނު 10:00 އިން ފެށިގެންނެވެ. މިގޮތުން އަތޮޅުތަކާއި މާލޭގައިވެސް ވަނީ އެއް ވަގުތެއްގައި ގުރުއަތުލުން ކުރިޔަށް ގެންގޮސްފައެވެ.

މިއިންތިޚާބުގައި އެންމެ ވާދަވެރިކަން ބޮޑީ މާލޭ ސިޓީގެ މޭޔަރު ހޮވުމުގެ އިންތިޚާބުގައެވެ. މާލޭ ސިޓީގެ މޭޔަރުކަމަށް 5 ބޭފުޅަކު ވާދަކުރައްވައެވެ. އެއީ އަމިއްލަ ގޮތުން ވާދަކުރައްވާ ދެ ކެންޑިޑޭޓުންނާއި ތިންޕާޓީއަކުން ވާދަކުރާ ކެންޑިޑޭޓުންނެވެ.

މާލޭ ސިޓީގެ މޭޔަރުކަމަށް ވާދަކުރައްވާ ކެނޑިޑޭޓުން.

ކެންޑިޑޭޓް ނަމްބަރު 1: އަހްމަދު އައިހަމް (އަމިއްލަގޮތުން)

ކެންޑިޑޭޓް ނަމްބަރު 2: އިސްމާއިލް ޒަރިޔަންދު (އަމިއްލަގޮތުން)

ކެންޑިޑޭޓް ނަމްބަރު 3: އާދަމް އާޒިމް (އެމްޑީޕީ)

ކެންޑިޑޭޓް ނަމްބަރު 4: މޫސާ އަލީ ޖަލީލު (ޕީއެންސީ)

ކެންޑިޑޭޓް ނަމްބަރު 5: އަބްދުﷲ މަހްޒޫމް މާޖިދު (އެމްޑީއޭ)

ކައުންސިލް އިންތިޚާބާއި އަންހެނުންގެ ތަރައްޤީއަށް މަސައްކަތް ކުރާ ކޮމިޓީތަކުގެ އިންތިޚާބުގެ ވޯޓުލުން އޮންނާނީ އޭޕްރީލް މަހުގެ 4 ވާ ހޮނިހިރު ދުވަހުގައެވެ.