މޫސުމް ގޯސްވެ ހުޅުލެއަށް ނުޖެއްސިގެން ޔޫއެލް ފްލައިޓް އަނބުރާ ލަންކާއަށް

ކޮލަމްބޯއިން މިރޭ މާލެެ އައި ސްރީލަންކަން އެއާލައިންގެ ފްލައިޓް އަނބުރާ ލަންކާއަށް ހިނގައްޖެއެެވެ.

ޔޫއެލް ފްލައިޓް 103 އަނބުރާ ކޮލަމްބޯއަށް ދިޔައީ މާލެ ސަރަހައްދުގެ މޫސުމް ގޯސްވެ ހުޅުލެއަށް ނުޖެއްސިގެންނެވެ. އެއަރބަސް އޭ-320ގެ އެފްލައިޓް ހުޅުލެއަށް ޖެއްސޭތޯ ވަރަށް ގިނައިރު މާލެ ސަރަހައްދުގައި މަތީގައި ބުރުޖެހިއެވެ. ހުޅުލެއަށް ޖެެއްސޭގޮތް ނުވުމުން އެފްލައިޓް އަނބުރާގޮސް ކޮލަމްބޯ ބަންޑާރަނައިކެ އިންޓަރނޭޝަލް އެއާޕޯޓުގައި ޖައްސާފައިވަނީ މިރޭގެ 00:39ގައެވެ.

މާލެ ސަރަހައްދަށް ވައިބާރުވެ މޫސުމްވަނީ ވަރަށްބޮޑަށް ގޯސްވެފައެވެ.