ރިޒޯޓެއްގެ ޕޫލަށް ވެއްޓި ދިވެހި ތުއްތު ކުއްޖަކު މަރުވެއްޖެ

މާލެ އަތޮޅުގެ ރިޒޯޓެއްގެ ސްވިމިންގ ޕޫލަކަށް ވެއްޓި ދިވެހި ތުއްތު ފިރިހެން ކުއްޖަކު މަރުވި މައްސަލައެއް ފުލުހުން ބަލަން ފަށައިފިއެވެ.

މިހާދިސާގައި މަރުވެފައި ވަނީ އުމުރުން 2 އަހަރުގެ ކުއްޖެވެ. އެކުއްޖާ މަރުވީ ޕޫލަށް ވެއްޓި ގެނބިގެން ކަމުގައި މައުލޫމާތު ލިބިފައިވާ ކަމުގައި ފުލުހުންގެ އިދާރާއިން ވިދާޅުވިއެވެ.

ފުލުހުންގެ އިދާރާއިން ވިދާޅުވީ އެމައްސަލަ ފުލުހުންނަށް ރިޕޯޓްކޮށްފައި ވަނީ، 2026 މާރިޗު 20 ވަނަ ދުވަހުގެ ރޭ ދަންވަރު 12:54 އެހައިކަންހާއިރު އޭޑީކޭ ހޮސްޕިޓަލުން ކަމަށެވެ.

ފުލުހުންގެ އިދާރާއިން ވިދާޅުވީ، އެކުއްޖާ ހޮސްޕިޓަލަށް ގެންދިޔައިރުވެސް ނިޔާވެފައިވާ ކަމަށް ހޮސްޕިޓަލުން މައުލޫމާތު ދީފައިވާ ކަމަށެވެ.

މަރުގެ މިމައްސަލަ ފުލުހުން ތަޙްޤީޤު ކުރަމުން އަންނައިރު، ހއ. އުތީމުގައިވެސް އުމުރުން އެންމެ 9 ދުވަސްވީ ތުއްތު ކުއްޖަކު މިމަހުގެ 18 ވަނަ ދުވަހު ނިޔާވި މައްސަލައެއްވެސް ފުލުހުން އަންނަނީ ތަޙްޤީޤު ކުރަމުންނެވެ.