ޕައިލެޓް މަސައްކަތް ކުރީ، އިޒްރާއީލުގެ ފަސިންޖަރުން ތިބި ފްލައިޓް ވައްޓާލަން ކަމަށް ބުނެފި

ދުބާއީން ފުރައިގެން ތެލް އަވީވަށް ދަތުރު ކުރި، ފްލައިދުބާއީގެ ކޮކްޕިޓްގައި ހަމަނުޖެހުން ހިނގީ، ދެޕައިލެޓުންގެ ތެރެއިން އެއް ޕައިލެޓް ގަސްދުގައި ފްލައިޓް ވައްޓާލަން މަސައްކަތް ކުރުމުން ކަމުގައި އިޒްރޭލުގެ މީޑިއާތަކުން ރިޕޯޓްކޮށްފިއެވެ.

ފްލައި ދުބާއީގެ އެފްޒެޑް 1073 ފްލައިޓްގެ ކޮކްޕިޓް ތެރޭގައި، ދެ ޕައިލެޓުން ތަޅައިގަތް އިރު، އެއް ޕައިލެޓްވަނީ ތޫނު އެއްޗަކުން ހަމަލާދީ ވަރަށް ބޮޑަށް ޒަޚަމްކޮށްލާފައެވެ. މި ފްލައިޓްގައި ތިބީ އޮމާނަށް ނިސްބަތްވާ ޕައިލެޓަކާއި، ޔޫއޭއީއަށް ނިސްބަތްވާ ޕައިލެޓެކެވެ. އޭގެ ތެެރެއިން ފްަލައިޓް ވައްޓާލަން އުޅުނީ އޮމާނަށް ނިސްބަތްވާ ޕައިލެޓްކަމުގައި ރިޕޯޓްކޮށްފައި ވެއެވެ.

އެހެން ނަމަވެސް ފްލައިޓް ރާޑަގެ މައުލޫމާތަށް ބަލާއިރު، އުރުދުންގެ ވައިގެ ސަރަހައްދަށް ވަނުމަށްފަހު، 30000 ފޫޓު މަތީގައި އޮތް ފްލައިޓް ކުއްލިއަކަށް ވަރަށް ބާރަށް ތިރިޔަށް އާދެއެވެ. އަދި މިނިޓެއްގެ ތެރޭގައި ފްލައިޓް 14000 ވުރެ ތިރިޔަށް އައެވެ.

އިޒްރާއީލުގެ ރިޕޯޓްތައް ބުނާގޮތުގައި ބޯޓު ވައްޓާލަން އުޅުނު ޕައިޕެޓް ހުއްޓުވީ ބޯޓުގައި ތިބި އިޒްރާއީލުގެ ފަސިންޖަރުންނާއި ޕައިލެޓެވެ. އޭގެ ފަހުގައި އެ ފްލައިޓް ވަނީ، ރޫޓް ބަދަލުކޮށް، އިޒްރާއީލާއި ކައިރީގައި އޮންނަ ސަޢޫދީ ޢަރަބިއްޔާގެ ތަބޫކުގައި ޖައްސާފައެވެ.

އަދި އެފްލައިޓުން ދަތުރު ކުރި، އިޒްރާއީލްގެ ފަސިންޖަރުން ތަބޫކުން ތެލްއަވީވަށް ގެނައުމުގެ މަސައްކަތް ކުރަމުން އަންނަ ކަމަށާއި، މައްސަލަ ތަޙްޤީޤު ކުރަމުން އަންނަ ކަމުގައި އިޒްރާއީލުން ވަނީ ބުނެފައެވެ. އަދި މިއީ ޓެރަރިސްޓް ހަމަލާއެއް ކަމުގައިވެސް އިޒްރާއީލުން ވަނީ ބުނެފައެވެ.

ޕައިލެޓް ވައްޓާލަން އުޅުނު ފްލައި ދުބާއީގެ ފްލައިޓުގައި 100 ވުރެ ގިނަ އިޒްރޭލުގެ ރައްޔިތުން ތިބި ކަމަށްވެސް ރިޕޯޓްކޮށްފައި ވެއެވެ.