ހޮސްޕިޓަލަށް ގެންދިޔަ ގައިދިއަކު ފިލައިފި

ބަލިވެގެން ޑޮކްޓަރަށް ދައްކަން ގެންދިޔަ ޤައިދީއަކު ފިލައިފިއެވެ.

ފުލުހުންގެ އިދާރާއިން ވިދާޅުވީ، މޯލްޑިވްސް ކަރެކްޝަނަލް ސަރވިސްގެ ބެލުމުގެ ދަށުގައި ހުރި ގައިދީއަކު، ބޭސްފަރުވާއަށް ހުޅުމާލެ ހޮސްޕިޓަލަށް ގެންގޮސްފައި ވަނިކޮށް ފިލި މައްސަލައެއް، އިއްޔެ ފުލުހުންނަށް ހުށައަޅާފައިވާ ކަމަށެވެ.

އަދި އޭނާ ހޯދުމުގެ މަސައްކަތް ކުރަމުން އަންނަ ކަމުގައިވެސް ފުލުހުންގެ އިދާރާއިން ވިދާޅުވެފައި ވެއެވެ.

ޤައިދިއަކު ފިލައިގެން ހޯދަމުންދާކަމަށް ފުލުހުން ބުނި ނަމަވެސް، ރަސްމީ ސިފައެއްގައި އޭނާގެ މައުލޫމާތު ފުލުހުންގެ އިދާރާއިން ހާމަކޮށްފައެއް ނުވެއެވެ.