ޕީއެންސީގެ ލީޑަޝިޕަށް ރައީސް ޑރ. މުޙައްމަދު މުޢިއްޒު 10 ބޭފުޅަކު ޢައްޔަނުކުރައްވައިފި

ސަރުކާރު ހިންގާ ޕާޓީގެ ލީޑަރޝިޕަށް ރައީސުލްޖުމްހޫރިއްޔާ ޑރ، މުޙައްމަދު މުޢިއްޒު 10 ބޭފުޅަކު ޢައްޔަނު ކުރައްވައިފިއެވެ.

މި މެމްބަރުންނަކީ، އެ ޕާޓީގެ އަސާސީ ޤަވާއިދުން ޕާޓީގެ ރައީސަށް ލިބިދީފައިވާ ބާރުގެ ތެރެއިން ޢައްޔަނުކުރައްވާފައިވާ 10 މެމްބަރުންނެވެ. ޕިއެންސީގެ ލީޑަރޝިޕަށް ރައީސް ޑރ. މުޙައްމަދު މުޢިއްޒު ޢައްޔަނުކުރެއްވި މެމްބަރުންގެ ތެރޭގައި ވަޒީރުންނާއި، ރައީސް އޮފީހުގެ އިސްމަޤާމުތަކުގައި ތިއްބެވި ބޭފުޅުންނާއި ސަފީރުންނާއި، ސަރުކާރުގެ ތިން ކުންފުންޏެއްގެ އިސްވެރިން ހިމެނިވަޑައިގަންނަވައެވެ.

ޕީއެންސީގެ ލީޑަރޝިޕަށް ރައީސް ޑރ. މުޙައްމަދު މުޢިއްޒު މިއަދު ޢައްޔަނުކުރެއްވި ބޭފުޅުންނަކީ؛

1- ޑރ. އަބްދުﷲ މުއްޠަލިބު - އިންފްރާސްޓްރަކްޗަރ މިނިސްޓަރ

2- ޤީލާ ޢަލީ - ހެލްތު މިނިސްޓަރ

3- އަބްދުﷲ ފަޔާޒު - ރައީސް އޮފީހުގެ ޗީފް އޮފް ސްޓާފް

4- އަބްދުﷲ ނަސީރު - ރައީސް އޮފީހުގެ މިނިސްޓަރ

5- މުޙައްމަދު ޠަލާލު - ރައީސް އޮފީހުގެ މިނިސްޓަރ

6- އާދަމް ޝަރީފް - ޤަތަރަށް ކަނޑައަޅުއްވާފައިވާ ރާއްޖޭގެ ސަފީރު

7- ހަމްދާން ޝަކީލް - އެމްޑީ / އެފްޑީސީ

8- ޢަލީ ޒުހައިރު - އެމްޑީ / އެޗްޑީސީ

9- ޢަބްދުއްރައްޒާޤު ޙަލީމް - ސީއީއޯ / މާލޭގްރޫޕް އޮފް ހޮސްޕިޓަލް

10- މުޙައްމަދު ޢަމީން - ޓޫރިޒަމް މިނިސްޓަރ

ޕީއެންސީގެ ލީޑަރޝިޕަށް ރައީސުލްޖުމްހޫރިއްޔާ ޢައްޔަނުކުރެއްވި 10 މެމްބަރުންނާއި، އަދި ޕީއެންސީގެ ލީޑަރޝިޕަށް އިިންތިޚާބުވި ބޭފުޅުން މަޤާމުތަކުގެ ޒިންމާއާއި ހަވާލުވުމާއި، އިޤުރާރުވުމުގެ ރަސްމިއްޔާތު ބާއްވާފައި ވަނީ، މިހާރު ކުރިޔަށްދާ އެޕާޓީގެ ކޮންގްރެސްގައި މިއަދު މެންދުރުފަހުގެ ދަންފަޅީގައެވެ.

ޕީއެންސީގެ ކޮންގްރެސް މިރޭ ނިމޭނެއެވެ.