ރަސްމާލޭގެ ބިން ޔޫއޭއީގެ އީގަލް ހިލްސްއަށްދޭން ސަރުކާރުން ބޭނުންވާ ޤާނޫނުތައް އަދި ވުޖޫދުގައިވެސް ނެތްކަމުގައި ބަންޑާރަ ނައިބު ވިދާޅުވެއްޖެ

ރަސްމާލޭގައި ހިންގުމަށް ރާވާފައިވާ މަޝްރޫއު ސަރުކާރުން ކުރިޔަށް ގެންދަން ބޭނުންވާ ގޮތުގެ ޤާނުނުތައް އަދި ވުޖޫދުގައިވެސް ނެތްކަމުގައި ބަންޑާރަ ނައިބު އަޙްމަދު އުޝާމް ވިދާޅުވެއްޖެއެވެ.

ސޯޝަލް މީޑިއާގައި ބަންޑާރަ ނައިބު އުޝާމް ކުރައްވާފައިވާ ޕޯސްޓުގައި ވިދާޅުވީ، އީގަލް ހިލްސް އާއެކު، ސަރުކާރުން ސޮއިކޮށްފައި ވަނީ، ސޮއިކޮށްފައިވަނީ ހަަމައެކަނި ލެޓަރ އޮފް އިންޓެންޓް (ކޮމާޝަލް ޓަރމްސް އެގްރީމެންޓް) އެއްގައި ކަމަށެވެ. އަދި އެ މަޝްރޫއު ފެށުމުގެ ކުރިން މި އެގްރީމެންޓްގައިވާ ޓަރމްސްތަކުގެ މައްޗަށް ބިނާކޮށް އިތުރަށް މަޝްވަރާކޮށްގެން އެކުލަވާލާ ޑެފިނިޓިވް އެގްރީމެންޓްތަކެއްގައި ސޮއިކުރުމުގެ އިތުރުން އެކަމާ ގުޅުންހުރި ޤާނޫނުތައް މަޖިލީހުން ފާސްކުރަންޖެހޭނެ ކަމުގައި އުޝާމް ވަނީ ވިދާޅުވެފައި ވެއެވެ.

އުޝާމް ވިދާޅުވީ، މަޝްރޫއު ކުރިއަށް ގެންދިއުމުގެ ދިވެހިރާއްޖޭގެ ޤާނޫނުއަސާސީއާއި ޤާނޫނުތަކާ ހިލާފު އެއްވެސް ކަމެއް ސަރުކާރުން ނުކުރާނެ ކަމަށެވެ.

މީގެ އިތުރުން، ރަސްމާލެ ޑީލާއި، ރާއްޖޭގައި ރިޒޯޓުތައް ކުއްޔަށްދޭ ގޮތާއި ރިޒޯޓުތަކުގެ ކުލީގެ ގޮތުގައި އެކި ސަރުކާރުތަކުން ގެނައި ބަދަލުތައް އުޝާމް ވަނީ ރަސްމާލެ ޑީލުގެ ދިފާއުގައި ނަންގަވާފައެވެ.