އެމްޑީޕީގެ ޔެލޯ އެޕް ތަޢާރަފްކޮށްފި

މޯލްޑިވިއަން ޑިމޮކްރެޓިކް ޕާޓީ (އެމްޑީޕީ)އިން އެޕާޓީގެ ރަސްމީ، މޯބައިލް އެޕްލިކޭޝަން، "ޔެލޯ" އިފްތިތާޙްކޮށްފިއެވެ.

އެ އެޕްލިކޭޝަން އިފްތިތާޙްކޮށްފައި ވަނީ، އެމްޑީޕީގެ ކޮންގްރެސްގެ ތެރެއިން މިއަދު އެވެ.

އެމްޑީޕީން ހާމަކޮށްފައިވާ ގޮތުގައި އެ އެޕްލިކޭޝަންގެ ބޭނުމަކީ، ޕާޓީގެ އިދާރީ ކަންކަމާއި، އެނޫންވެސް ކަންކަމުގައި، މެންބަރުންނަށް މައުލޫމާތު ފޯރުކޮށްދީ މެމްބަރުންގެ މެދުގައި ގުޅުން ބަދަހި ކުރުމެވެ. މީގެ އިތުރުން ޕާޓީގެ ހަރަކާތްތަކާއި ގުޅޭ އެންމެ ފަހުގެ މައުލޫމާތުވެސް އެ އެޕްލިކޭޝަނުން ބަލައި ލެވޭނެއެވެ.

އެމްޑީޕީން ބުނީ މިހާރު މި އެޕްލިކޭޝަން، އެޕް ސްޓޯރ އިން ޑައުންލޯޑް ކުރެވެން ހުންނާނެ ކަމަށެވެ. އެޕްލިކޭޝަންއަށް ލޮގިން ކުރެވޭނީ އައިޑީކާޑު ނަމްބަރު ޖަހައިގެންނެވެ.