ގެއްލިގެން ހޯދަމުން ދިޔަ މީހާ ފެނިއްޖެ

ގެއްލިގެން ހޯދަމުން ދިޔަ މީހާ މިރޭ ފެނިއްޖެ ކަމުގައި ފުލުހުންގެ އިދާރާއިން ވިދާޅުވެއްޖެއެވެ.

ފުލުހުންގެ އިދާރާއިން ވިދާޅުވީ، ގެއްލިގެން ހޯދަމުންދިޔަ އިބްރާހީމް އިމްތިޔާޒް ޢަލީ، މިރޭގެ ވަގުތެއްގައި ވަނީ ފުލުހުންގެ އިދާރާ އަށް ހާޒިރުވެފައިވާ ކަމަށާއި އޭނާގެ ހާލު ރަނގަޅުކަމަށެވެ. އޭނާ ގެއްލުނު ހާދިސާ އާއި ގުޅޭ ގޮތުން ފުލުހުން އިތުރު މައުލޫމާތެއް ހާމަކޮށްފައެއް ނުވެއެވެ.

އޭނާ ގެއްލިފައިވާ ކަމަށް ފުލުހުންނަށް ރިޕޯޓްކޮށްފައި ވަނީ، 2026 ފެބްރުއަރީ 17 ވަނަ ދުވަހުގެ ހަވީރު 17:15 ހާއިރުގައިކަމަށް ފުލުހުންގެ އިދާރާއިން ވިދާޅުވެފައި ވެއެވެ.