ވަޒީފާއާ ބެހޭ ޓްރައިބިއުނަލްގެ ނައިބު ރައީސާ ވަކިކޮށްފި

ވަޒީފާއާ ބެހޭ ޓްރައިބިއުނަލްގެ ނައިބު ރައީސާގެ މަގާމުގައި ހުންނެވި ފާތުމަތު މަހީރާ މުހައްމަދު މަޤާމުން ވަކިކޮށްފިއެވެ.

އޭނާ މަޤާމުން ވަކިކުރި ސަބަބެއް އެނގިފައެއް ނުވެއެވެ. އެހެން ނަމަވެސް އޭނާ އެ މަޤާމުން ވަކިކޮށްފައި ވަނީ، ވަޒީފާއާ ބެހޭ ޓްރައިބިއުނަލްގެ ރައީސް ކަމުގެ މަގާމަށް އަމްޖަދު މުސްތަފާ ޢައްޔަނުކުރެއްވުމާއި އެކުގައިކަން އެނގިފައި ވެއެވެ.

މަހީރާއަކީ، ވަޒީފާ އާއި ބެހޭ ޓްރައިބިއުނަލުގައި އެންމެ ގިނަ މައްސަލަތައް ބައްލަވައި ނިންމަވާފައިވާ މެމްބަރެވެ.

ވަޒީފާ އާއި ބެހޭ ޓްރައިބިއުނަލްގެ މެމްބަރުކަމުގެ މަޤާމަށާއި، ނައިބު ރައީސާގެ މަޤާމަށް، މަހީރާ އައްޔަނުކުރައްވާފައި ވަނީ، 15 އެޕްރީލް 2024 ގައެވެ. މަހީރާއަކީ، ޅ. ހިންނަވަރު ބޭކަނބަލެކެވެ.