ހަ ކިލޯގެ މަސްތުވާތަކެތި އެތެރެކުރި އިންޑިއާ ދެމީހުން ހައްޔަރުކޮށްފި

ރާއްޖެއަށް ހަ ކިލޯއަށްވޔރެ ގިނަ މަސްތުވާތަކެތި އެތެރެކުރި އިންޑިއާގެ ދެމީހުން ހައްޔަރުކޮށްފިއެވެ.

ފުލުހުންގެ އިދާރާއިން ވިދާޅުވީ، އެ މައްސަލައާ ގުޅިގެން ހައްޔަރުކޮށްފައިވަނީ އިންޑިއާއަށް ނިސްބަތްވާ ދެމީހުން ކަމުގައިވާ ޔުތިޝް ރާޖް ރާޖަން (27އ) އާއި އީޝްވަރުމުރިތީ ޝަންމުގަމް (24އ) ކަމަށެވެ. އެމީހުން ހައްޔަރުކޮށްފައި ވަނީ މިމާރިޗު މަހުގެ 20 ވަނަ ދުވަހުގައެވެ. އެމީހުންގެ އަތުން 6 ކިލޯއަށް ވުރެ ގިނަ މަސްތުވާތަކެތި ފެނުނު ކަމުގައި، ފުލުހުންގެ އިދާރާއިން ހާމަކުރައްވާފައި ވެއެވެ. އެމީހުން އަތުލައިގަނެ މަސްތުވާތަކެއްޗާއި އެކު މޯލްޑިވްސް ޕޮލިސް ސަރވިސް އާއި ހަވާލުކޮށްފައި ވަނީ ކަސްޓަމްސްއިންނެވެ.

މި މައްސަލައާ ގުޅިގެން މި ދެމީހުންގެ ބަންދާމެދު ގޮތެއް ނިންމުމަށް ކޯޓަށް ހާޒިރުކުރުމުން އެ ދެމީހުންގެ ބަންދަށް 15 ދުވަސް ޖަހައިދީފައިވާ ކަމުގައި ފުލުހުންގެ އިދާރާއިން ވިދާޅުވިއެވެ.