ގެއްލިގެން ހޯދަމުން ދިޔަ ބިދޭސީމީހާ މަރުވެފައި އޮއްވައި ފެނިއްޖެ

ތިލަފުށިން ގެއްލިގެން ހޯދަމުން އައި ބިދޭސީ މީހާ ނިޔާވެފައި އޮއްވައި ފެނިފައިވާ ކަމުގައި ފުލުހުންގެ އިދާރާއިން ވިދާޅުވެއްޖެއެވެ.

ފުލުހުންގެ އިދާރާއިން ވިދާޅުވީ، އެކަމާއި ގުޅޭ އިތުރު މައުލޫމާތު ފަހުން އާއްމު ކުރާނެ ކަމަށެވެ. ފުލުހުންގެ އިދާރާއިން ހާމަކުރައްވާފައިވާ ގޮތުގައި މިދިޔަ ހޯމަ ދުވަހުން އެމީހާ ގެއްލިފައިވާ ކަން ފުލުހުންނަށް ރިޕޯޓްކޮށްފައި ވަނީ މިއަދުއެވެ. އެހެންވެ އެމީހާ ހޯދުމުގެ މަސައްކަތް ފުލުހުން އައީ ކުރަމުންނެވެ.

ގެއްލުނު މީހާ އާއި ބެހޭ އެއްވެސް ތަފްސީލެއްވެސް ފުލުހުންގެ އިދާރާއިން ހާމަކޮށްފައެއް ނުވެއެވެ.