އެސްއެސްސީ އިމްތިހާނު މިއަދު ފަށައިފި

ގްރޭޑް 10 ނިންމާ ކުދިންނަށް ބާއްވާ އެސްއެސްސީ އިމްތިހާން މިއަދު މުޅިރާއްޖޭގައި ފަށައިފިއެވެ.

މިއަދު އޮތީ، ދިވެހި މާއްދާއްގެ ކަރުދާސް އެކެއްގެ އިމްތިހާނެވެ.

ޑިޕާޓްމަންޓް އޮފް ޕަބްލިކް އެގްޒަމިނޭޝަނުން ހާމަކުރައްވާފައިވާ ގޮތުގައި، މިއަހަރު އެސްއެސްސީ އިމްތިހާނުގައި މުޅި ރާއްޖެއިން 8000 ވުރެ ގިނަ ދަރިވަރުން ބައިވެރިވެފައިވެއެވެ.

މިއަދު އެސްއެސްސީ އިމްތިހާނު ފެށުނު އިރު އައިޖީއެސްސީ އިމްތިހާނު ފަށާނީ އަންނަ އޮކްޓޫބަރު މަހުގެ 11 ވަނަ ދުވަހުގައެވެ.

މީގެ އިތުރުން މިއަދަކީ، މިއަހަރުގެ ދިރާސީ އަހަރުގެ ދެވަނަ ޓަރމުގެ ޓަރމް ބްރޭކް ނިމި ސްކޫލުތައް ހުޅުވުނު ދުވަހެވެ.