ދިރުވާލައިގެން ކިލޯއަކަށްވުރެ ގިނަ މަސްތުވާތަކެތި އެތެރެކުރަން އުޅެނިކޮށް އަތުލައިގެންފި

ދިރުވާލައިގެން ކިލޯއަކަށްވުރެ ގިނަ މަސްތުވާތަކެތި ރާއްޖެ އެތެރެކުރި މީހަކު އަތުލައިގެންފިއެވެ.

މޯލްޑިވްސް ކަސްޓަމްސް ސަރވިސްއިން އިއްޔެ ހާމަކުރި ގޮތުގައި އެމީހާ އަތުލައިގަނެފައި ވަނީ، ހުސްވި ޖުލައި މަހުގެ 19 ވަނަ ދުވަހުގައެވެ. އޭނާގެ ގޮހޮރުން 66 ބުލެޓް، 1 ކިލޯ 180 ގްރާމް މަސްތުވާތަކެތި ފެނިފައި ވެއެވެ. އޭނާ ދިރުވާލައިގެން އެތެރެކުރަން މަސައްކަތް ކުރީ ކޮކެއިން ކަަމަށް ވެސް ކަސްޓަމްސްއިން ވަނީ ވިދާޅުވެފައެވެ.

އަތުލައިގަތް މަސްތުވާތަކެތީގެ މަގުމަތީ އަގު 2.9 މިލިއަން ރުފިޔާއަށް ވުރެ މަތިވާނެ ކަމަށްވެސް ކަސްޓަމްސްއިން ވިދާޅުވެފައި ވެއެވެ.

މި މައްސަލައިގައި ހައްޔަރު ކުރި މީހާގެ ވަނަވަރެއް ކަމާއި ބެހޭ މުއައްސަސާތަކުން ހާމަކޮށްފައެއް ނުވެއެވެ.