ރައްޔިތުންގެ މަޖިލީހުގެ ރައީސް ޓެންޒޭނިއާއަށް ފުރާވަޑައިގަންނަވައިފި

ކުރިއަށްދާ އިންޓަރ-ޕާލިމެންޓަރީ ޔުނިއަންގެ 153 ވަނަ އެސެމްބްލީގައި ބައިވެރިވެވަޑައިގަތުމަށް ރައްޔިތުންގެ މަޖިލީހުގެ ރައީސް، އޮނަރަބަލް ޢަބްދުއްރަޙީމް ޢަބްދުالله ޓެންޒޭނިއާއަށް ފުރާ ވަޑައިގެންފިއެވެ.

އިންޓަރ-ޕާލިމެންޓަރީ ޔުނިއަންގެ 153 ވަނަ އެސެމްބްލީ ކުރިޔަށްދާނީ، މިމަހުގެ 5 އިން 9 އަށް ޓެންޒޭނިއާގެ އަރޫޝާގައެވެ.

މި އެސެމްބްލީގައި، ރައްޔިތުންގެ މަޖިލީހުގެ ރައީސް، އޮނަރަބަލް ޢަބްދުއްރަޙީމް ޢަބްދުالله، ތަޤުރީރު ކުރައްވާނެއެވެ. މަޖިލީހުގެ ރައީސް ތަޤުރީރު ކުރައްވާނީ، "އެންމެންގެ ޝާމިލުވުމާއި، އިތުބާރާއި، އަދި ފުރުޞަތުތައް ފަހިކޮށްދީގެން ހެޔޮވެރިކަން ކުރިއެރުވުމާއި މުޖުތަމަޢުތައް ބާރުވެރިކުރުވުން" މި މަޢުޟޫއަށެވެ.

މި ދަތުރުފުޅުގައި ރައްޔިތުންގެ މަޖިލީހުގެ ރައީސްގެ އަރިހުގައި، މަޖިލީހުގެ 7 މެމްބަރުންނާއި، މަޖިލީހުގެ 3 މުވައްޒަފުން ބައިވެރިވެވަޑައިގަންނަވައެވެ. އެބޭފުޅުންނަކީ؛ 

1- ހުޅުދޫ ދާއިރާގެ މެންބަރު މުޙައްމަދު ޝާހިދު،

2- ބާރަށު ދާއިރާގެ މެންބަރު އިބްރާހީމް ޝުޖާޢު،

3- މާފަންނު މެދު ދާއިރާގެ މެންބަރު އަސްމާ ރަޝީދު،

4- ހުރާ ދާއިރާގެ މެންބަރު ޑޮކްޓަރ އަނާރާ ނަޢީމް،

5- ނިލަންދޫ ދާއިރާގެ މެންބަރު ފާޠިމަތު ސަޢުދާ،

6- ގައްދޫ ދާއިރާގެ މެންބަރު މުޙައްމަދު ޢަލީ،

7- ތޮއްޑޫ ދާއިރާގެ މެންބަރު ޙުސައިން ސަމީރު،

8- ކައުންސެލް ޖެނެރަލް އަލްއުސްތާޛާ ފާތިމަތު ފިލްޒާ،

9- މަޖިލީހުގެ އިދާރާގެ ޗީފް އޮފް ބިއުރޯ، އަޙްމަދު ނިހާން ޙުސައިން މަނިކު

10- ފޮރިން ރިލޭޝަންސް ޑިޕާޓްމަންޓުގެ އެސިސްޓެންޓް ޑިރެކްޓަރ ޖެނެރަލް ޒުއްޔިނާ ބަދުރީއެވެ.