ހުޅުމާލެ ފޭސް 2ގައި އާއްމުން މޫދަށް އެރޭ ސަރަހައްދުން، ގައުތައް ނަގައި ސާފުކުރުމުގެ މަސައްކަތް އެޗްޑީސީން ފަށައިފިއެވެ.

އެޗްޑީސީން ބުނީ، ހުޅުމާލޭ ފޭސް 2 ގައި މޫދަށް އެރި އުޅޭ ފަރާތްތަކަށް ފަސޭހަވާނެހެން އެ ސަރަހައްދުގެ މޫދުގައި ހުރި ބޮޑެތި ގައު ނަގާ، ސާފުކުރުމުގެ މަސައްކަތް މިހާރު އެކުންފުނީގެ މުވައްޒަފުން ކުރަމުންދާ ކަމަށެވެ.

ހުޅުމާލެ ފޭސް 2 ގެ މޫދުގައިވެސް މަރުވެފައިވާ ގައުތައް ގިނަ ކަމުން މޫދަށް އެރޭ މީހުން އެކަމުގެ ޝަކުވާތައް ކުރެއެވެ. އަދި އެފަދަ ގައުތަކުގެ ސަބަބުން ކުޑަކުދިންނާއި އުމުރުން ދުވަސްވީ މީހުންނަށްވެސް ނުރައްކާވެއެވެ.

ހުޅުމާލެ ފޭސް 1 ހިއްކުމުގެ ސަބަބުން ހުޅުލޭ ފަޅުގެ އިރުމަތީ ދުނީގައި ހުރި މުރަކައާއި ގާތައް ވަނީ މަރުވެފައެވެ.