އެއް މެގަރވޮޓަށް ވުރެ މަތިން ކަރަންޓް އުފެއްދޭ ޖަނަރޭޓަރެއް ވޭމަންޑޫއަށް ގެނެސްފި

ފެނަކައިން ކަރަންޓްގެ ޚިދުމަތް ފޯރުކޮށްދެމުންއަންނަ ރަށްރަށުގެ ކަރަންޓްގެ ޚިދުމަތް އިތުރަށް ތަރައްޤީކުރުމަށް ކުރަމުން އަންނަ މަސައްކަތްތަކުގެ ތެރެއިން، ތ އަތޮޅުގެ ރަށެއްގައި ބަހައްޓާ އެއް މެގަވޮޓްއަށް ވުރެ މަތިން ކަރަންޓް އުފައްދާ ފުރަތަމަ ޖަނަރޭޓަރު ވޭމަންޑޫއަށް ގެނެސްފިއެވެ.

ވޭމަންޑޫއަށް ގެނައި، 1200kwގެ ޖަނަރޭޓަރ އިންސްޓޯލްކޮށް ނިމުމުން މިހާރު ފޯރުކޯށްދެމުންގެންދާ ކަރަންޓެގެ ކެޕޭސިޓީ 03މެގަވޯޓަށް އިތުރުވެގެންދާނެކަމުގައި ފެނަކަ ކޯޕަރޭޝަނުން ހާމަކުރައްވާފައި ވެއެވެ. ވޭމަންޑޫގެ މިހާރުގެ ޖުމުލަ ކެޕޭސިޓީއަކީ 1800 ކިލޯ ވޮޓެވެ. ނަމަވެސް ކުރިއަށް އޮތްތަނުގައި ކަރަންޓެގެ ކެޕޭސިޓީ 03 މެގަވޮޓަށް އިތުރުވެގެންދާނެކަމުގައި ފެނަކަ ކޯޕަރޭޝަނުން ހާމަކުރައްވާފައި ވެއެވެ.

ފެނަކަ ކޯރޕަރޭޝަނުން ދަނީ، ތ.އަތޮޅުގެ އެކިރަށްރަށަށް އައު ޖެނެރޭޓަރތައް ފޮނުވައި، އިންސްޓޯލްކޮށް ކަރަންޓްގެ ޚިދުމަތުގެ ފެންވަރު މަތިކުރަމުންނެވެ.

އެގޮތުން މިހާތަނަށް، އައު ޖެންސެޓްތައް ފޮނުވާފައިވާ ރަށްރަށަކީ؛

ގާދިއްފުށި 250kw

ކަނޑޫދޫ 250kw

ބުރުނި 250kw

ދިޔަމިގިލި 400kw

ކިނބިދޫ 400kw

ވަންދޫ 250kw

ތ، ވަންދޫގެ ގެ ޖަނަރޭޓަރ 250kw ގެނެސް މިހާރުވަނީ އިންސޯޓްކޮށް ކަރަންޓްގެ ޚިދުމަތްދޭން ފަށާފައެވެ. އަދި ހަމަ މި ހަފްތާތެރޭގައި ގުރައިދޫއަށްވެސް 800kwގެ ޖަނަރޭޓަރެއް ގެނެވި އިންސްޓޯލް ކުރުމުގެ މަސައްކަތް މިހާރު ދަނީ ކުރަމުން ކަމުގައި ފެނަކަ ކޯޕަރޭޝަނުން ހާމަކުރައްވާފައި ވެއެވެ.

ޚަބަރު ލިޔުނީ: އައިމިނަތު ޝިފާނާ - ރަށު ރިޕޯޓަރ