އިޓަލީގެ 4 ޑައިވަރުގެ ހަށިގަނޑު ހޮހަޅައިގެ ތެރެއިން ފެނިއްޖެ

ވ. އަލިމަތާ ކައިރިން ކަނޑުގެ އަޑީގައިވާ ހޮަޅައިގެ ތެރެއަށް ފީނުމުގެ ތެރޭގައި ގެއްލުނު އިޓަލީގެ 4 ޑައިވަރުންގެ ހަށިގަނޑު ހޮހަޅައިގެ ތެރޭގައި ވަނިކޮށް ފެނިއްޖެ ކަމުގައި އެމްއެންޑީއެފުން ހާމަކުރައްވައިފިއެވެ.

ގެއްލުނު ޑައިވަރުން ލޮކޭޓްކޮށްފައި ވަނީ، އެމީހުން ހޯދުމުގެ މަސައްކަތަށް ރާއްޖެއައި ތަޖުރިބާކާރު ޓީމުންނެވެ.

އެމްއެންޑީއެފުން ވިދާޅުވީ، ޑައިވިނަށް ގޮސް އުޅެނިކޮށް ގެއްލުނު 4 ފަތުރުވެރިން ހޯދުމަށް އެމްއެންޑީއެފް ކޯސްޓްގާޑާއި، ފުލުހުންގެ ޚިދުމަތާއި އަދި އިޓަލީ ސަރުކާރުން ހަމަޖެއްސި ބޭރުގެ ތަޖުރިބާކާރު ޑައިވަރުން ގުޅިގެން މިއަދު ހިންގި އޮޕަރޭޝަނުގައި، އެމީހުންގެ ހަށިގަނޑުތައް ވަނީ ލޮކޭޓްކުރެވިފައި ކަމަށެވެ. އަދި ގެއްލުނު 4 ފަތުރުވެރިންގެ ހަށިގަނޑު ފެނިފައިވަނީ އެމީހުން ޑައިވް ކުރި ކޭވް (ހޮހަޅަ) ތެރެއިން ކަމަށާއި، ކުރިއަށް ހުރި ޑައިވްތަކުގައި އެމީހުންގެ ހަށިގަނޑުތައް ކޭވްއިން ނެގުމުގެ މަސައްކަތް ކުރުމަށް ވަނީ ރޭވިފައި ކަމުގައިވެސް އެމްއެންޑީއެފުން ވަނީ ހާމަކޮށްފައެވެ.