ދޯންޏެއްގެ ވަލެއް އައްސަން މޫދަށް ފޭބި މީހަކު ގެއްލިގެން ހޯދަނީ

މިރޭ އިރު އޮއްސި، މިއަދުގެ 18:30 ހާއިރު ހުޅުމާލެ ކަންނެލި ޖެޓީގައި އޮތް ދޯންޏެއްގެ ވަލެއް އެއްސުމަށް މޫދަށް ފޭބި މީހަކު ގެއްލިއްޖެއެވެ.

މެރިން ޕޮލިސް އިން ވިދާޅުވީ، ހުޅުމާލެގެ ސްޓެލްކޯ އާއި ދިމާލުން ފަޅުތެރެއަށް ވަލެއް އެއްސުމަށް ފޭބި ދިވެހި ފިރިހެނަކު ގެއްލިގެން ހޯދުމުގެ މަސައްކަތް ކުރަމުން އަންނަ ކަމަށެވެ. އަދި އެ މީހާ ހޯދުމުގެ މަސަކަތް މެރިން ޕޮލިސް އާއި ކޯސްޓް ގާރޑް ގުޅިގެން ދަނީ ހަރަކާތްތެރިވަމުން ކަމުގައިވެސް މެރިން ޕޮލިސް އިން ވިދާޅުވެފައި ވެއެވެ.

ގެއްލިގެން ހޯދާ މީހާއި ގުޅޭ އިތުރު މައުލޫމާތެއް އަދި ހާމަކޮށްފައެއް ނުވެއެވެ.