އަލިފާނުގެ ހާދިސާ އާއި ގުޅިގެން ވަގުތީ ހިޔާތަކަށް ބަދަލުކުރި މީހުން ފްލެޓްތަކަށް ބަދަލުވެއްޖެ

ހިޔާގެ 5 ވަނަޓަވަރުގައި ހިނގި އަލިފާނުގެ ހާދިސާ އާއި ގުޅިގެން ވަގުތީ ހިޔާތަކަށް ބަދަލުކުރި މީހުން ފްލެޓްތަކަށް ބަދަލުވެފައިވާ ކަމުގައި މޯލްޑިވްސް ޑިޒާސްޓަރ މެނޭޖްމެންޓް އޮތޯރިޓީން ވިދާޅުވެއްޖެއެވެ.

އެއިދާރާއިން ވިދާޅުވީ، ހުކުރު ދުވަހު ހިނގި އަލިފާނުގެ ހާދިސާ އާއި ގުޅިގެން ހިޔާގެ 31 ޓަވަރެއްގައި ދިރިއުޅެމުން އައި 148 މީހަކަށް ވަގުތީ ބޯހިޔާވަހިކަމާއި އެހީތެރިކަން ފޯރުކޮށްދީފައިވާ ކަމަށެވެ، އަދި އެހީތެރިކަން ދިނުމަށް ކަނޑައެޅިމުއްދަތު ހަމަވުމާއި މިއަދު އާއިލާތައް އަނބުރާ އެޕާޓްމަންޓްތަކަށް ބަދަލުވާނެ ކަމުގައިވެސް އެންޑިއެމްއޭއިން ވިދާޅުވިއެވެ.

އެންޑީއެމްއޭއިން ވިދާޅުވީ، އަލިފާނުގެ ހާދިސާގައި ގެއްލުން ލިބުނު ހިޔާގެ ފަސްވަނަ ޓަވަރުގެ ނަރުދަނާ ނިޒާމު މަރާމާތުކޮށް ނިމިފައިވާ ކަމަށް އެޗްޑީސީން މައުލޫމާތުދީފައިވާ ކަމަށެވެ.