ޕީއެންސީގެ ނައިބު ރައީސްގެ މަޤާމަށް 6 ބޭފުޅަކު ހޮވައިފި

ސަރުކާރު ހިންގާ ޕާޓީ ޕީއެންސީގެ ނައިބު ރައީސްގެ މަޤާމަށް 6 ބޭފުޅަކު ހޮވައިފިއެވެ.

ޕީއެންސީގެ ނައިބު ރައީސުންގެ މަޤާމަށް ބޭފުޅުން ހޮވާފައި ވަނީ، އެޕާޓީން މިހާރު ކުރިޔަށްގެންދާ، މަތީ މަޖިލީހުގެ ޖަލްސާގައި މިއަދު ހެނދުނުއެވެ.

ޕީއެންސީގެ ނައިބު ރައީސުންގެ ގޮތުަގއި ހޮވި ބޭފުޅުން:

• ސްޕޯޓްސް މިނިސްޓަރު - އަބްދުﷲ ރާފިއު (968 ވޯޓު)

• ފިޝަރީޒް މިނިސްޓަރު - އަހުމަދު ޝިޔާމް (964 ވޯޓު)

• ނިލަންދޫ ދާއިރާގެ މެމްބަރު - ފާތިމަތު ސައުދާ (923 ވޯޓު)

• ބާރަށު ދާއިރާގެ މެމްބަރު - އިބްރާހިމް ޝުޖާއު (862 ވޯޓު)

• އިކޮނޮމިކް މިނިސްޓަރު - މުހައްމަދު ސައީދު (833 ވޯޓު)

• ސަރުކާރުގެ އިސް ތަރުޖަމާނު - މުހައްމަދު ހުސެއިން ޝަރީފް (780 ވޯޓު)

ޕީއެންސީގެ ނައިބު ރައީސުންމެ މަޤާމަށް ވާދަކުރެއްވި ބޭފުޅުންގެ ތެރެއިން ނާކާމިޔާބީއާ ކުރިމަތިވެވަޑައިގެންނެވީ، ސަރުކާރުގެ އިސް ތަރުޖަމާނު، މުހައްމަދު ހުސެއިން ޝަރީފްގެ މަންމާފުޅު، މާފަންނު މެދު ދާއިރާގެ މެމްބަރު އަސްމާ ރަޝީދަށާއި، ލޯކަލް ގަވަމަންޓް އޮތޯރިޓީ (އެލްޖީއޭ) ގެ ސީއީއޯގެ މަޤާމުގައި ހުންނެވި މުޙައްމަދު ނިމާލަށެވެ. އިންތިޚާބުގައި އެންމެ މަދުން ވޯޓުލިބިވަޑައިގަތީ އަސްމާއަށެވެ. އަސްމާއަށް ލިބިވަޑައިގެންނެވީ، 228 ވޯޓެވެ. ނިމާލަށް 301 ވޯޓު ލިބިވަޑައިގަތެވެ.

މި އިންތިޚާބުގައި ވޯޓުނެގުން ކުރިއަށް ގެންގޮސްފައި ވަނީ، މޯބައިލް އެޕްލިކޭޝަނެއް މެދުވެރިކޮށެވެ. ވޯޓުލުން ނިމުމާއި އެކު ވަގުތުން ވަނީ ނަތީޖާ އިޢުލާނުކޮށްފައެވެ.