ލޯކަލް ކައުންސިލް އިންތިޚާބާއި ޚިޔާލު ހޯދުމުގެ ވޯޓުގެ ވޯޓުލުން ފަށައިފި

މިއަދު ބޭއްވުމަށް ހަމަޖެހިފައިވާ ލޯކަލް ކައުންސިލްގެ އިންތިޚާބާއި އާއްމު ޚިޔާލު ހޯދުމުގެ ވޯޓުލުން މިއަދު ހެނދުނު މުޅި ރާއްޖޭގައި ފަށައިފިއެވެ.

މި ދެ އިންތިޚާބުގެ ވޯޓުލުން ކުރިޔަށްދާނީ، ހެނދުނު 8:00 އިން ހަވީރު 4:00އަށް ކަމުގައި އިލެކްޝަންސް ކޮމިޝަނުން ވަނީ ވިދާޅުވެފައެވެ. އެކޮމިޝަނުން ހާމަކުރައްވާފައިވާ ގޮތުގައި، ލޯކަލް ކައުންސިލް އިންތިޚާބަށް، ޖުމުލަ 1592 ކެންޑިޑޭޓުން ކުރިމަތިލާފައި ވެއެވެ. އަދި މި ދެއިންތިޚާބުގައި، ޖުމުލަ 294937 މީހުންނަށް ވޯޓު ދިނުމުގެ ޙައްޤު ލިބިފައި ވެއެވެ.