މާލެ އަތޮޅުން ފެށިގެން ހުވަދު އަތޮޅާއި ހަމައަށް ވައިޓް އެލާޓް

ރާއްޖެ މިހާރު ކުރަމުންދާ ވިއްސާރައިގައި މޫސުން ގޯސްވުމުގެ ސަބަބުން، މާލެ އަތޮޅުން ފެށިގެން ހުވަދު އަތޮޅާއި ދެމެދުގެ އަތޮޅުތަކަށް މޫސުމާއި ބެހޭ ޤައުމީ އިދާރާއިން ވައިޓް އެލާޓް ނެރެފިއެވެ.

މޫސުމާއިބެހޭ ޤައުމީ އިދާރާއިން މި ސަރަހައްދުތަކަށް ވައިޓް އެލާޓް ނެރެފައި ވަނީ މިއަދުގެ އިރު އޮއްސި 6:00 އާއި ހަމައަށެވެ.

މޫސުމާއި ބެހޭ ޤައުމީ އިދާރާއިން ވިދާޅުވީ، މި ވިއްސާރައިގައި ބޯކޮށް ވާރޭ ވެހޭނެ ކަމަށާއި، ވިލާގަނޑުގައި ގަޑިއަކު 35 މޭލަށް ވައިގަދަ ވާނެ ކަމަށެވެ.

މޫސުމާއި ބެހޭ ޤައުމީ އިދާރާއިން ލަފާކޮށްފައިވާ ގޮތުގައި ހަފްތާ ބަންދުންފެށިގެން ވިއްސާރަ އަލިވާނެއެވެ.