ރާއްޖޭގެ ބޮޑު ބަޔަކަށް ވައިޓް އެލާޓް ނެރެފި

މޫސުމް ގޯސްވާނެ ކަމަށް ލަފާކޮށް، މޫސުމާއި ބެހޭ ޤައުމީ އިދާރާއިން ރާއްޖޭގެ ބޮޑު ބަޔަކަށް ވައިޓް އެލާޓް ނެރެފިއެވެ.

ވައިޓް އެލާޓް ނެރެފައިވަނީ، ހއ އަތޮޅުން ފެށިގެން ތ އަތޮޅާއި ދެމެދުގައި ހިމެނޭ އަތޮޅުތަކަށެވެ. ވައިޓް އެލާޓް ނެރެފައި ވަނީ މިރޭގެ އިރު އޮއްސި 6:30 އާއި ހަމައަށެވެ.

މޫސުމާއި ބެހޭ ޤައުމީ އިދާރާއިން ލަފާކޮށްފައިވާ ގޮތުގައި، ގުގުރުމާއި އެކު ބޯކޮށް ވާރޭ ވެހޭނެއެވެ. އަދި ކޮޅިގަނޑުގައި ގަޑިއަކު 40 މޭލަށް ވައިގަދަވާނެއެވެ.

މިހާރު ރާއްޖެއަށް ކުރަމުން އަންނަ މި ވިއްސާރައަކީ ހުޅަނގު މޫސުމްގެ ވިއްސާރައެވެ.