ހުޅުދުއްފާރާއި އުނގޫފާރު އަދި ރަސްމާދޫއާއި މީދޫ ސެމީއަށް

ރ ވެޓެރަންސް ފުޓްސަލް ޗެލެންޖްގެ ސެމީ ފައިނަލަށް ހުޅުދުއްފާރާއި އުނގޫފާރު އަދި ރަސްމާދޫއާއި މީދޫ. ދަތުރުކޮށްފިއެވެ.

11 ޓީމާއި އެކު 25 ސެޕްޓެމްބަރުގައި ރަސްމާދޫގައި ކުރިޔަށްދާ ރ އަތޮޅުގެ ފޯރިގަދަ ވެޓެރަންސް މުބާރާތުގެ ކުއަރޓަރ ފައިނަލްގެ މެޗުތައް ކުޅުނީ 30 ސެޕްޓެމްބަރގައެވެ. ގުރޫޕް ސްޓޭޖުން މުބާރާތާއި ވަކިވީ އަނގޮޅިތީމާއި އިންނަމާދޫ އަދި ދުވާފަރެވެ.

ހުޅުދުއްފާރުން ސެމީގެ ފުރަތަމަ ޖާގަ ކަށަވަރުކުރީ މުބާރާތުގައި ކުޅުނު ގުރޫޕް ސްޓޭޖްގެ 3 މެޗުން މޮޅުވެ،ގުރޫޕް އޭގެ އެއްވަނަ ޓީމްގެ ގޮތުގައި ކުއަރޓަރ ފައިނަލްގައި 0-7 އިން މާކުރަތު ބަލިކޮށްގެންނެވެ.

އުނގޫފާރުން ސެމީއަށް ދަތުރުކުރީ އެއްވެސް މެޗަކުން މޮޅުނުވެ 2 ޑްރޯ އާއި އެކު ގުރޫޕް ސީގެ 2 ވަނަ ޓީމްގެ ގޮތުގައި، ކުއަރޓަރ ފައިނަލްގައި މަޑުއްވަރީ އާއި ވާދަކޮށް 3-4 އިން އުނދަގޫ މޮޅެއް ހޯދައިގެންނެވެ.

އޮކްޓޯބަރ 2 ވަނަ ދުވަހުގެރޭ ސެމީ ފައިނަލްގެ ފުރަތަމަ މެޗުގައި ބައްދަލު ކުރާނީ ހުޅުދުއްފާރު އަދި އުނގޫފާރެވެ.

ގުރޫޕްގެ 1 ވަނަ 4 ޕޮއިންޓާއި އެކު މީދޫ (އެމްޖޭއެސް) ހޯދިއިރު،ދުވާފަރު ހިމެނޭ މިގުރޫޕުން ދުވާފަރު މުބާރާތާއި ވަކިވީ 1 ޕޮއިންޓާއި އެކު.މީދޫ(އެމްޖޭއެސް)އިން ކުއަރޓަރ ފައިނަލްގައި އިނގުރައިދޫގެ މައްޗަށް ކުރި ހޯދީ 0-2 ގެ ނަތީޖާއަކުނެވެ.

ކުއަރޓަރ ފައިނަލްގެ ފަހު މެޗުގައި އެންމެ ފަހުގެ ޗެންޕިއަން ރަސްމާދޫ އަދި ރަސްގެތީމް ބައްދަލުކުރި މެޗުގައި ފޯރިގަދަ ކުޅުމަކާއި އެކު ރަސްމާދޫއިން ވަނީ 1-2 ގެ ނަތީޖާއަކުން ކާމިޔާބުކޮށްފައެވެ.

ސެމީފައިނަލްގެ 2 ވަނަ މެޗުގައި ރަސްމާދޫ އަދި މީދޫ(އެމްޖޭއެސް) އިން ބައްދަލުކުރަން ޖެހިފައިވާއިރު، މީ މިދެޓީމް މިމުބާރާތުގެ ސެމީ ފައިނަލްގައި ވާދަކުރާ ދެވަނަ އަހަރެވެ. ރަސްމާދޫ އިން 2025 ވަނަ އަހަރު މީދޫގެ މައްޗަށް ކުރި ހޯދީ 0-3 ގެ ނަތީޖާއަކުންނެވެ.

ރަސްމާދޫ އިން މުބާރާތުގެ ޗެންފިއަންކަން ހޯދީ ފައިނަލްގައި ހުޅުދުއްފާރާއި ވާދަކޮށް ޕެނަލްޓީއިން 2-4 އިން މެޗް ކާމިޔާބުކޮށްގެންނެވެ. މިއަހަރުވެސް ފައިނަލްގައި ހުޅުދުއްފާރާއި ވާދަ ކުރުމުގެ ފުރުސަތު އޮތް އިރު، މިއަހަރުގެ މުބާރާތުގައި ގުރޫޕް ސްޓޭޖްގައި ހުޅުދުއްފާރުން ވަނީ ރަސްމާދޫގެ މައްޗަށް ކުރި ހޯދާ،މުބާރާތުގެ ތާރީޚްގައި ފުރަތަމަ ފަހަރަށް ރަސްމާދޫ ބަލިކޮށްފައެވެ.

ސެމީ ފައިނަލް 02 އޮކްޓޯބަރގައި އަދި 04 އޮކްޓޯބަރުގައި މުބާރާތުގެ ފައިނަލް މެޗް ކުޅުމަށް ވަނީ ތާވަލްކުރެވިފައެވެ.

ޚަބަރުލިޔުނީ: ޙަސަން ސާތިޢު - ރަށު ރިޕޯޓަރ