ރޭސިންގ މުބާރާތެއްގެ ތެރެއިން ލ. ގަމުގައި ނުރައްކާތެރި އެކްސިޑެންޓެއް ހިނގައިފި

ލ.ގަމުގައި ބޭއްވި ރޭސިން މުބާރާތެއްގައި ސައިކަލެއް ކޮންޓްރޯލުން ނެއްޓި ނުރައްކާތެރި އެކްސިޑެންޓެއް ހިނގައި ސައިކަލް ދުއްވަން އިން މީހާއަށް އަނިޔާތަކެއް ލިބިއްޖެއެވެ.

މިއަދި ހިނގި މި އެކްސިޑެންޓްގައި ސައިކަލްގައި އިން މީހާއަށް ވަނީ ސީރިއަސް އަނިޔާތަކެއް ލިބިފައެވެ. އޭނާއަށް ގަން ރީޖަނަލް ހޮސްޕިޓަލުގައި މިހާރު ދަނީ ފަރުވާދެމުންނެވެ. މައުލޫމާތު ލިބިފައިވާ ގޮތުގއި އޭނާގެ ބޮލަށް ވަނީ ވަރަށްބޮޑަށް އަނިޔާވެފައެވެ. 

މައުލޫމާތު ލިބިފައިވާ ގޮތުގައި އެކްސިޑެންޓް ހިނގާފައިވަނީ ސައިކަލް ކޮންޓްރޯލުން ނެއްޓި ހިލަތޮށިގަނޑުމަތިން ގޮސް މޫދަށް ވެއްޓިގެންނެވެ.

ހާދިސާ ހިނގިތާ އިރުކޮޅެއްގެ ތެރޭގައި އަނިޔާވި މީހާ ވަނީ ހޮސްޕިޓަލަށް ގެންގޮސްފައި ވާއިރު މޫދަށް ވެއްޓުނު ސައިކަލުވެސް މިހާރު ވަނީ ނަގާފައެވެ.

ޚަބަރު ލިޔުނީ: އަޙްމަދު ޝިޔާން - ރަށު ރިޕޯޓަރ