އޭސީ އައުޓްޑޯ ޔުނިޓެއްގައި ރޯވެ އަލިފާނުގެ ހާދިސާއެއް ހިނގައިފި

ހުޅުމާލެ ފޭސް 2 ގައި ހުންނަ ހިޔާގެ 5 ވަނަ ޓަވަރުގެ އޭސީ އައުޓްޑޯރ ޔުނިޓެއްގައި ރޯވެ އަލިފާނުގެ ހާދިސާއެއް ހިނގައިފިއެވެ.

އަލިފާނުގެ މިހާދިސާ ހިނގާފައި ވަނީ މިއަދު އިރުއޮއްސުނު ވަގުތުގައެވެ. ހާދިސާ އާއި ގުޅިގެން އެމްއެންޑީއެފުން އެ ޓަވަރުން މީހުން ނެރެ ހުސްކޮށްފައެވެ.

މިހާދިސާ އާއި ގުޅިގެން އެޓަވަރުގެ ހުރިހާ ފްލޯއެއްގެވެސް 5 ވަނަ އެޕާޓްމެންޓުގެ ހޮޅިލައިންތަކަށް ވަނީ ގެއްލުން ލިބިފައި ކަމުގައި މައުލޫމާތު ލިބިފައި ވެއެވެ. އަލިފާނުގެ ހާދިސާ ހިނގާފައި ވަނީ، އެ ޓަވަރުގެ 14 ވަނަ ފްލޯގެ 5 ވަނަ އެޕާޓްމެންޓާއި ހިސާބުގައި ވައިގޮޅިތެރޭގައި ހުރި އޭސީ އައުޓްޑޯރ ޔުނިޓެއްގައި ރޯވެގެންނެވެ.

މި ހާދިސާގައި ލިބުނު ގެއްލުންތަކުގެ ތަފްސީލެއް ނުލިބެއެވެ.