ހިޔާ ފްލެޓެއްގެ ބެލްކަނީގައި ބަދު އަޚުލާޤީ ޢަމަލު ހިންގި މީހުން ހޯދައި ހައްޔަރުކޮށްފި

ހިޔާގެ 12 ވަނަ ޓަވަރުގެ ފްލެޓެއްގެ ބެލްކަނީގައި، ތިބެ ބަދުއަޚުލާޤީ ޢަމަލު ހިންގި މީހުން ހޯދައި ކޯޓު އަމުރެއްގެ ދަށުން މިއަދު އެމީހުން ހައްޔަރުކޮށްފައިވާ ކަމުގައި ފުލުހުންގެ އިދާރާއިން ވިދާޅުވެއްޖެއެވެ.

ފުލުހުންގެ އިދާރާއިން ވިދާޅުވީ، 2026 އޯގަސްޓް 27 ވަނަ ދުވަހުގެ ވަގުތެއްގައި ހިޔާ ޓަވަރެއްގެ އެޕާޓްމަންޓެއްގެ ބެލްކަނީގައި ބަދުއަހުލާގީ އަމަލު ހިންގިކަމުގެ ތުހުމަތުގައި ކޯޓު އަމުރެއްގެ ދަށުން، ހައްޔަރުކޮށްފައި ވަނީ، 36 އަހަރުގެ ދިވެހި ފިރިހެނަކާއި 25 އަހަރުގެ ދިވެހި އަންހެނެއް ކަމަށެވެ. އެ ދެމީހުން ހައްޔަރުކޮށްފައި ވަނީ މިއަދު ކަމަށާއި އެމީހުންގެ ބަންދާއި މެދު ގޮތެއް ނިންމުމަށް ކޯޓަށް ޙާޟިރުކުރުމުން އެމީހުންގެ ބަންދަށް، 5 ދުވަސް ޖަހައިދީފައިވާ ކަމުގައި ފުލުހުންގެ އިދާރާއިން ވިދާޅުވިއެވެ.

އާންމު ތަންތަނުގައި ބަދުއަޚުލާގީ އަމަލު ހިންގުމަކީވެސް ރާއްޖޭގެ ގާނޫނުތަކުގައި ކަނޑައަޅާފައިވާ ޖިނާޢީ ކުށެކެވެ.