މާލޭގެ ގެއެއްގައި އަލިފާނުގެ ހާދިސާއެއް ހިނގައިފި

މާލޭގެ ގެއެއްގައި މިރޭ އަލިފާނުގެ ހާދިސާއެއް ހިނގައިފިއެވެ.

އެމްއެންޑީއެފުން ވިދާޅުވީ، ގ. ފުންފަޅު ގޭގެ 4 ވަނަ ފަންގިފިލާގެ އެޕާޓްމެންޓެއްގައި އަލިފާން ރޯވި ކަމުގެ ރިޕޯޓްކޮށްފައި ވަނީ މިރޭގެ 22:49 ހާއިރުގައި ކަމަށެވެ.

އެ އެޕާޓްމެންޓްގައި ރޯވި އަލިފާން މިހާރު ވަނީ ކޮންޓްރޯލް ކުރެވިފައި ކަމުގައި ފުލުހުންގެ އިދާރާއިން ވަނީ މައުލޫމާތު ދެއްވާފައެވެ.

ފުލުހުންގެ އިދާރާއިން ވިދާޅުވީ، ހާދިސާ އާ ގުޅިގެން ބަޔަކު ހޮސްޕިޓަލަށް ގެންގޮސްފައިވާ ކަމަށާއި، އަދި ހާދިސާއާ ގުޅިގެން އިމާރާތުން ނެރުނު އާއިލާތަކަށް ބޭނުންވާ އެހީތެރިކަން ކަމާބެހޭ އިދާރާތަކުން ދަނީ ފޯރުކޮށްދެމުން ކަމަށެވެ.