އެކްސިޑެންޓްގައި އަނިޔާވި ކުޑަކުއްޖާ ނިޔާވެއްޖެ

މިދިޔަ ހޮނިހިރު ދުވަހުގެ ރޭ ހިނގި ނުރައްކާތެރި އެކްސިޑެންޓްގައި ސީރިއަސް އަނިޔާތަކެއް ލިބުނު 9 އަހަރުގެ ކުޑަ އަންހެންކުއްޖާ ނިޔާވެއްޖެއެވެ.

މި އެކްސިޑެންޓްގައި ނިޔާވީ، ބިލަބޮންގް އިންޓަނޭޝަނަލް ސްކޫލްގެ ގްރޭޑް ތިނެއްގައި ކިޔަވަމުން އައި އުމުރުން، 9 އަހަރުގެ ޒީވާ ޝިނާން އަޙްމަދެވެ،

މިއަދުގެ މެންދުރު ނަމާދަށް ފަހު ޖަނާޒާ ބާއްވައި އެކުއްޖާގެ ހަށިގަނޑު ވަނީ ހުޅުމާލެ ސަހަރާގައި ވަޅުލާފައެވެ.

އެ އެކްސިޑެންޓް ހިނގާފައި ވަނީ، ވިނަރެސް 7 ގެ ކައިރީގައި މަޑުކޮށްފައި އޮތް ކާރަކަށް އަރަން މަގާވީ ފަޅިން ހިނގާފައި ދިޔަ މީހެއްގެ ސައިކަލުން ޖެހި އޭގައި އިން ކުޑަކުއްޖާ އާއި އޭނާގެ މަންމަ މަގުމައްޗަށް ވެއްޓުމުންނެވެ.

އެ އެކްސިޑެންޓް ހިނގައިގެން ފުލުހުންނަށް ރިޕޯޓްކޮށްފައި ވަނީ، ހޮނިހިރު ދުވަހުގެ ރޭގެ 21:04 ހާއިރުކަމަށް ފުލުހުން ވަނީ ބުނެފައެވެ.

އެ އެކްސިޑެންޓާއި ގުޅިގެން ދެ ކާރެއްވެސް ފުލުހުން ވަނީ ޓޯވ ކޮށްފައެވެ. ފުލުހުންގެ އިދާރާއިން ވިދާޅުވީ އެ އެކްސިޑެންޓްގެ މައްސަލަ ތަޙްޤީޤު ކުރަމުން އަންނަ ކަމަށެވެ.