މޯލްޑިވިއަންގައި ބަނގުރާ ލިބޭ ގޮތަށް ހަދަން އުޅޭކަމަށް ފަތުރާވާހަކަ ދޮގުކޮށްފި

ޤައުމީ އެއާލައިން، މޯލްޑިވިއަންގެ ބައިނަލްއަޤުވާމީ ދަތުރުތަކުގައި، ފަސިންޖަރުންނަށް ބަނގުރާ ލިބޭ ގޮތަށް ހަމަޖައްސަން އުޅޭކަމަށް ބުނެ ބައެއް ފަރާތްތަކުން ފަތުރާފައިވާ ވާހަކަތައް މޯލްޑިވިއަނުން ދޮގުކޮށްފިއެވެ.

އެކަމާއި ގުޅޭ ގޮތުން ޤައުމީ އެއާލައިން މޯލްޑިވިއަންއިން ނެރެފައިވާ ބަޔާނުގައި ބުނެފައި ވަނީ، ސޯޝަލް މީޑިއާ އާއި އެނޫންވެސް މަންސަތަކުގައި މޯލްޑިވިއަން އިން ފަސިންޖަރުންނަށް އަލްކަހޯލް (ބަނގުރާ) ލިބޭ ގޮތަށް ހަމަޖައްސަން އުޅޭ ކަމަށް ފަތުރާ ޚަބަރަކީ، ކަނޑައެޅިގެން ދޮގު ހަބަރެއް ކަމަށެވެ. އަދި ޞައްޙަކަން ކަށަވަރު ނުކުރެވޭ އެފަދަ މައުލޫމާތު ޙިއްޞާ ނުކުރުމަށްވެސް މޯލްޑިވިއަންއިން ވަނީ އިލްތިމާސްކޮށްފައެވެ.

މޯލްޑިވިއަންގެ ބައިނަލްއަޤުވާމީ ދަތުރުތައް ކުރަނީ އިންޑިޔާއަށާއި، ބަނގުލަދޭޝްގެ އިތުރުން، ޗައިނާގެ ބައެއް މަންޒިލްތަކަށެވެ.