މިތިބީ ރައީސް ޑރ. މުޙައްމަދު މުޢިއްޒާއެކު ސާބިތުވެ: އަބްދުއްރަހީމް

ރައީސް ޑރ. މުޙައްމަދު މުޢިއްޒާއެކު ސާބިތުވެ ހުންނެވި ކަމުގައި ރައްޔިތުންގެ މަޖިލީހުގެ ރައީސް ޢަބްދުއްރަހީމް ޢަބްދުﷲ ވިދާޅުވެއްޖެއެވެ.

ޢަބްދުއްރަހީމް މިހެން ވިދާޅުވީ، ރައީސް ޑރ، މުޙައްމަދު މުޢިއްޒުގެ ހުށައެޅުމެއް ޕީއެންސީގެ ސެނެޓުން ފުރަތަމަފަހަރަށް ބަލައިނުގަތް ކަމަށް ބުނެ އޮންލައިން ނޫސް އަދަދުން ފެތުރު ޚަބަރު ދޮގު ކުރައްވައި ކުރެއްވި ޕޯސްޓުގައެވެ.

ޢަބްދުއްރަހީމް ވިދާޅުވީ، އެއީ ކަނޑައެޅިގެން ހަގީގަތާ ޚިލާފުވާހަކައެއް ކަމަށާއި، މެންބަރުންގެ މަޖިލީހުން ވަކި ގޮތަކަށް ކަމެއް ނިންމުމަށް ރިޔާސަތުން ޕާޓީގެ ރައީސް، ރައީސުލްޖުމްހޫރިއްޔާ ޑރ މުޙައްމަދު މުޢިއްޒު ހުށައަޅުއްވާފައި ނުވާ ކަމަށެވެ. އަދި ޕީއެންސީއަކީ ޑިމޮކްރަސީގެ ރިވެތި އުޞޫލުން ހިންގާ ޕާޓީއެއް ކަމުގައިވެސް ޢަބްދުއްރަހީމް ވިދާޅުވިއެވެ.

"ފިތުނަ ފަސާދަ އުފައްދައިގެން އަޅުގަނޑުމެން ބައިބައެއް ނުކުރެވޭނެ. އަޅުގަނޑުމެން މިތިބީ ރައީސް ޑރ. މުޙައްމަދު މުޢިއްޒާއެކު ސާބިތުވެ." ޢަބްދުއްރަހީމްގެ ޕޯސްޓުގައި ވިދާޅުވިއެވެ.

ޢަބްދުއްރަހީމް މިމޭރުމުން ވާހަކަފުޅު ދެއްކެވި އިރު، ރައީސް ޑރ. މުޙައްމަދު މުޢިއްޒާއި، ޢަބްދުއްރަހީމާއި ދެމެދު ގުޅުން ގޯސްވެ، ޓޫރިޒަމް މިނިސްޓަރުގެ މަޤާމަށް އެންމެ ފުރަތަމަ ޢައްޔަނު ކުރެއްވި، ޢަބްދުއްރަހީމްގެ ދަރިފުޅު ފައިސަލް އެމަޤާމުން ވަކިކުރެއްވީ މިދިޔަ އަހަރުގައެވެ. ފައިސަލް އެމަޤާމުން ވަކިކޮށްފައި ވަނީ، މިދިޔަ އަހަރުގެ ޖެނުއަރީ މަހުގައެވެ. އަދި ޢަބްދުއްރަހީމް މަޖިލީހުގެ ރައީސް ކަމުން ވަކިކުރަން އުޅޭ ވާހަކައެއްވެސް އެދުވަސްވަރު ފެތުރުނެވެ.